പാഴൂർ മോളം കുടിവെള്ള പദ്ധതി നാടിനു സമർപ്പിച്ചു.

കോതമംഗലം : നെല്ലിക്കുഴി പഞ്ചായത്തിലെ
പാഴൂർ മോളം കുടിവെള്ള പദ്ധതി നാടിനു സമർപ്പിച്ചു.
എറണാകുളം ജില്ലാ പഞ്ചായത്ത് 40 ലക്ഷം രൂപ വകയിരുത്തി നിർമ്മിച്ച പാഴൂർ മോളം കുടിവെള്ള പദ്ധതിയുടെ ഉദ്ഘാടനം ജില്ലാ പഞ്ചായത്തംഗം റഷീദ സലിം നിർവ്വഹിച്ചു. പാഴൂർ മോളം പ്രദേശത്തെ കുടിവെള്ള ക്ഷാമത്തിന് ഒരു ശാശ്വതപരിഹാരമാകും ഈ പദ്ധതി. 100 ൽ പരം കുടുംബങ്ങൾക്ക് ഈ പദ്ധതിയുടെ പ്രയോജനം ലഭിക്കും. ഗ്രാമപഞ്ചായത്ത് പ്രസിഡന്റ് പി.എം മജീദ് അദ്ധ്യക്ഷനായി. കുടിവെള്ള കിണറിന് സ്ഥലം വിട്ടു നൽകിയ തോട്ടത്തിക്കുളം റ്റി.എം. കബീറിനെ ചടങ്ങിൽ ആദരിച്ചു. വാർഡ് മെമ്പർ ടി.എം അബ്ദുൾ അസീസ്, ഗുണഭോക്തൃ സമിതി കൺവീനർ എൻ.കെ രാമൻ, എം.ഒ. ഷാജൻ, തുടങ്ങിയവർ സംസാരിച്ചു.