കുട്ടമ്പുഴ: കാട്ടുപോത്തിന്റെ ആക്രമണത്തിൽ വയോധികന് ദാരുണാന്ത്യം. കത്തിപ്പാറ ഉറിയംപെട്ടി ആദിവാസി കേളനിയിലെ പൊന്നൻ (65) ആണ് മരിച്ചത്. വെള്ളാരംകുത്തിൽ നിന്നും താമസസ്ഥലത്തേക്ക് പോകുന്നതിനിടെയാണ് ആക്രമണമുണ്ടായത്. 3 അംഗ സംഘത്തിനു നേരെയാണ് കാട്ടുപോത്തിന്റെ ആക്രമണമുണ്ടായത്. കൂടെയുണ്ടായിരുന്ന രണ്ട് പേർ മരത്തിൽ കയറി രക്ഷപ്പെടുകയായിരുന്നു. പൊന്നനെ കാട്ടുപോത്ത് കുത്തി വീഴ്ത്തുകയായിരുന്നു. വാഹന സൗകര്യം എത്താത്ത മേഖലയിലാണ് സംഭവം നടന്നത്. അധികാരികളും ജനപ്രതിനിധികളും നാട്ടുകാരും ചേർന്ന് കത്തിപ്പാറയിൽ നിന്നും മൃതദേഹം വെള്ളാരംക്കുത്തിലെത്തിക്കുവാനുള്ള നടപടികൾ പുരോഗമിക്കുകയാണ്.
🌀കോതമംഗലം വാർത്ത whatsappil ലഭിക്കുവാൻ താഴെ കൊടുത്തിരിക്കുന്ന ലിങ്ക് ഉപയോഗിക്കുക..👇
https://chat.whatsapp.com/DcL8RgJp47d7R9L2iom1zx
