കോതമംഗലം: എസ്എൻഡിപി യോഗം പിണ്ടിമനശാഖാ ഭരണസമിതിയിലേക്ക് തെരഞ്ഞെടുക്കപ്പെട്ട ഭാരവാഹികളുടെ സത്യപ്രതിജ്ഞയും ചുമതലയേറ്റെടുക്കലും നടന്നു. ശാഖാ ഹാളിൽ നടന്ന ചടങ്ങ് യൂണിയൻ പ്രസിഡൻ്റ് അജി നാരായണൻ ഉദ്ഘാടനം ചെയ്തു.യൂണിയൻ സെക്രട്ടറി പി.എ.സോമൻ അദ്ധ്യക്ഷത വഹിച്ച ചടങ്ങിൽ യൂത്ത് മൂവ്മെൻ്റ് യൂണിയൻ പ്രസിഡൻ്റ് എം.ബി തിലകൻ, സൈബർ സേന സംസ്ഥാന വൈസ് ചെയർമാൻ എം.കെ ചന്ദ്ര ബോസ്, വനിതാ സംഘം ശാഖാ സെക്രട്ടറി ഷേർളി രവി തുടങ്ങിയവർ പ്രസംഗിച്ചു.നൂറു കണക്കിന് പ്രവർത്തകരുടെ സാന്നിദ്യത്തിൽ തെരഞ്ഞെടുക്കപ്പെട്ട ഭാരവാഹികൾക്ക് യൂണിയൻ സെക്രട്ടറി പി. എ സോമൻ സത്യവാചകം ചൊല്ലിക്കൊടുത്തു.
ഭാരവാഹികളായി എം അനിൽകുമാർ (പ്രസിഡൻ്റ്), എം.കെ മഹിപാൽ (വൈസ് പ്രസിഡൻ്റ്) എം.കെ കുഞ്ഞപ്പൻ (സെക്രട്ടറി) എ.പി ബൈജു ( യൂണിയൻ കമ്മറ്റി അംഗം) കമ്മറ്റി അംഗങ്ങളായി. പി.കെ സുകുമാരൻ, എം.പി രാജേഷ്, വി.ഡി മോഹനൻ, ഇ.കെ ചന്ദ്രൻ ,സി.കെ ബിജു, വിജയൻ സി.കെ, വേലായുധൻ നാരായണൻ പഞ്ചായത്ത് കമ്മറ്റിറി അംഗങ്ങളായി ദീപ രവി, സജി റ്റി.കെ, ഉണ്ണീഷ് രാമചന്ദ്രൻ എന്നിവരാണ് സത്യപ്രതിജ്ഞ ചെയ്ത് ചുമതലയേറ്റത്. എംപ്ലോയ്സ് ഫോറംശാഖ കൺവീനർ സി.പി മനോജ് സ്വാഗതവും ശാഖാ പ്രസിഡൻ്റ് എം അനിൽകുമാർ നന്ദിയും പറഞ്ഞു.
