കോതമംഗലം: – ബോധി നാടക മത്സരത്തിന് കോതമംഗലത്ത് തിരിതെളിഞ്ഞു; വിദ്യാർത്ഥികൾക്കായി ഇന്ന് കോഴിപ്പോര് അരങ്ങേറി. കോതമംഗലം ബോധി കാലാ സാംസ്കാരിക സംഘടന സംഘടിപ്പിക്കുന്ന ഇരുപത്തിരണ്ടാമത് സംസ്ഥാന പ്രഫഷണൽ നാടക മത്സരത്തിൻറെ ഭാഗമായാണ് വിദ്യാർത്ഥികൾക്കായി നാടകാവതരണം നടന്നത്.
പുതു തലമുറയിൽ നാടകാഭിരുചി വളർത്തുക എന്ന ലക്ഷ്യത്തോടെയാണ് കോതമംഗലത്തെ സാംസ്കാരിക രംഗത്ത് സജീവമായ ബോധി കുട്ടികൾക്ക് മാത്രമായി തിരുവനന്തപുരം സ്വദേശാഭിമാനിയുടെ കോഴിപ്പോര് എന്ന നാടകം നിറഞ്ഞ സദസിൽ അവതരിപ്പിച്ചത്.
കലാ ഓഡിറ്റോറിയത്തിൽ ജോർജ് മാത്യുവിന്റെ അധ്യക്ഷദ്ധയിൽ നടന്ന ചടങ്ങിൽ യുവജന ക്ഷേമ ബോർഡ് മെമ്പർ എ ആർ രഞ്ജിത് ഇത്ഘാടനം നിർവ്വഹിച്ചു. ജില്ലാ വിദ്യാഭ്യാസ ഓഫീസർ പ്രീത രാമചന്ദ്രൻ ആശംസകൾ അറിയിച്ചു. പുതു തലമുറക്ക് അന്യമായിക്കൊണ്ടിരിക്കുന്ന നാടകം കണ്ടാസ്വദിക്കാൻ അവസരമുണ്ടാക്കിയ ബോധിയോട് നന്ദിയുണ്ടെന്ന് നാടകം കാണാനെത്തിയ വിദ്യാർത്ഥിനി പ്രണവ്യ പറഞ്ഞു.
