കോതമംഗലം : ബാലികയെ പീഡിപ്പിച്ച കേസിൽ അതിഥി തൊഴിലാളി പോലീസ് പിടിയിൽ. പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ ഇതര സംസ്ഥാന തൊഴിലാളിയെ കോതമംഗലം പോലീസ് ഉത്തർപ്രദേശിൽ നിന്നാണ് പിടികൂടിയത്. കോതമംഗലത്തിന് സമീപം വാടകക്ക് താമസിക്കുന്ന അന്യസംസ്ഥാന തൊഴിലാളിയുടെ അഞ്ചു വയസുള്ള മകളെ പീഡിപ്പിച്ച കേസിൽ ഉത്തർപ്രദേശിലെ സഹരൻപൂർ സ്വദേശി ഷദാബ് (23) നെയാണ് കോതമംഗലം പോലീസ് അറസ്റ്റ് ചെയ്തത്.
കുറ്റകൃത്യത്തിന് ശേഷം വിവിധ സംസ്ഥാനങ്ങളിൽ മുങ്ങി നടന്ന പ്രതിയെ കോതമംഗലം പോലീസ് ഉത്തർപ്രദേശിൽ എത്തിയാണ് പിടികൂടിയത്.പ്രതിയെ കോടതിയിൽ ഹാജരാക്കി റിമാൻ്റ് ചെയ്തു. ഇൻസ്പെക്ടർ അനീഷ് ജോയി, മാഹിൻ സലിം ,മുജീബ്, രഘുനാഥ്, നിജാസ്, കുഞ്ഞുമോൻ, നിയാസ് എന്നിവരടങ്ങിയ പോലീസ് സംഘമാണ് പ്രതിയെ അറസ്റ്റ് ചെയ്തത്.
