കോതമംഗലം : കോതമംഗലം കെ.എസ്.ആര്‍.ടി.സി.ഡിപ്പോ ആഡംബരകപ്പലില്‍ കടല്‍യാത്രക്ക് അവസരമൊരുക്കുന്നു. മെയ് ഒന്നാംതിയതിയാണ് ട്രിപ്പ്. ആദ്യം ബുക്ക് ചെയ്യുന്ന അന്‍പത് പേര്‍ക്കാണ് അവസരം. കടലിലെ ഉല്ലാസയാത്രയ്ക്ക് മികച്ച സൗകര്യങ്ങളോടുകൂടിയ ആഡംബര ജലയാനമാണ് “നെഫർറ്റിറ്റി.” കേരള ഷിപ്പിംഗ് ആൻഡ് ഇൻലാൻഡ് നാവിഗേഷൻ കോർപ്പറേഷന്റെ നേതൃത്വത്തിലാണ് ‘നെഫർറ്റിറ്റി’ ഒരുങ്ങുന്നത് . 250 ലൈഫ് ജാക്കറ്റുകൾ, 400 പേർക്ക് കയറാവുന്ന ലൈഫ് റാഫ്റ്റുകൾ, 2 ലൈഫ് ബോട്ടുകൾ തുടങ്ങിയവ ‘നെഫർറ്റിറ്റി’യിലുണ്ട്. ഓപ്പൺ ഡെക്ക്, സ്വീകരണ ഹാൾ, ഭക്ഷണശാല, കുട്ടികളുടെ കളിസ്ഥലം , 3D തീയറ്റർ എന്നിവ ‘നെഫർറ്റിറ്റി’യിലുണ്ട് .
കെ എസ് ആർ ടി സിയും കെ എസ് ഐ എൻ സി യും സംയുക്തമായി നടത്തുന്ന ആഡംബര ക്രൂയിസ് കപ്പൽ യാത്ര മെയ് 1 ഞായറാഴ്ച ഉച്ചയ്ക്ക് ഒരു മണിയോടെ കോതമംഗലം കെഎസ്ആർടിസി ബസ് സ്റ്റാൻഡിൽ നിന്നും ആരംഭിക്കുന്നു. ആദ്യം ബുക്ക് ചെയ്യുന്ന 50 പേർക്കാണ് അവസരം ലഭിക്കുക. ബോൾഗാട്ടിയിൽ നിന്നുമാണ് ആഡംബര കപ്പൽ യാത്ര ആരംഭിക്കുന്നത്. 5 വയസ്സ് മുതൽ 10 വയസ്സ് വരെയുള്ളവർക്ക് 1099 രൂപയും അതിനുമേൽ പ്രായമുള്ളവർക്ക് 2799 രൂപയുമാണ് നിരക്ക്.
ബുക്കിങ്ങിനായി താഴെപ്പറയുന്ന നമ്പറുകളിൽ ബന്ധപ്പെടാവുന്നതാണ്:
94479 84511
94465 25773
0485 2862202
