കോതമംഗലം :പല്ലാരിമംഗലം പഞ്ചായത്ത് അടിവാട് ടൗണില്‍ കഴിഞ്ഞ ദിവസം ആസാം സ്വദേശികള്‍ തമ്മിലുണ്ടായ വാക്കേറ്റത്തില്‍ കുത്തേറ്റ അതിഥി തൊഴിലാളി അബൂ ഹനീഫ (27) മരിച്ചു. കോലഞ്ചേരി മെഡിക്കല്‍ കോളേജില്‍ ചികിത്സയിലായിരുന്നു. കുത്തിപ്പരിക്കേല്‍പിച്ച ആസാം നാഗൂണ്‍ സ്വദേശി അക്രമുല്‍ ഹുസൈന്‍ (28) റിമാന്‍ഡിലാണ്. തൊട്ടടുത്ത കെട്ടിടത്തില്‍ വാടകക്ക് താമസിച്ചിരുന്ന ഇവര്‍ കടം വാങ്ങിയ പണം തിരികെ കൊടുക്കാത്തതിലുള്ള വൈരാഗ്യത്തിലായിരുന്നു ആക്രമണം നടത്തിയത്.
ആക്രമണത്തിൽ കുത്തേറ്റ് ഗുരുതര അവസ്ഥയിലായ അബു ഹനീഫയെ നാട്ടുകാർ കോലഞ്ചേരി മെഡിക്കൽ കോളേജിൽ എത്തിക്കുകയും തീവ്ര പരിചരണ വിഭാഗത്തിൽ ചികിത്സയിലും മായിരുന്നു. എന്നാൽ ഇന്ന് ഉച്ചയോടെ മരണം സംഭവിക്കുകയായിരുന്നു. തുടർനടപടികൾക്കായി പോത്താനിക്കാട് പോലീസ് കോലഞ്ചേരിയിലേക്ക് തിരിച്ചു.
