കുട്ടമ്പുഴ : മാമലക്കണ്ടത്ത് കുട്ടിക്കൊമ്പനെ ഷോക്കേറ്റ് ചെരിഞ്ഞ നിലയിൽ ഇന്ന് രാവിലെ കണ്ടെത്തി. മാമലകണ്ടത്ത് സ്വകാര്യ വ്യക്ത്തിയുടെ റബ്ബർ തോട്ടത്തിനു സമീപമാണ് കുട്ടിക്കൊമ്പനെ ചെരിഞ്ഞ നിലയിൽ കണ്ടെത്തിയത്. മാമലക്കണ്ടം ചാമപാറയിൽ നിന്നും രണ്ട് കീ .മീ.അകലെയുള്ള പുരയിടത്തിന് സമീപമാണ് ജഡം കണ്ടെത്തിയത്. ഇന്ന് വെളുപ്പിനെ കൂട്ടമായെത്തിയ ആനകളിലൊന്നിനാണ് ഷോക്കേറ്റത്. കാട്ടാന കുത്തിമറിച്ചിട്ട മരം ഇലട്രിക്ക് പോസ്റ്റുകളിൽ വീണാണ് കുട്ടിക്കൊമ്പന് ഷോക്കേറ്റത് എന്നാണ് പ്രാഥ്രമിക നിഗമനം.
കുടിയേറ്റ, ആദിവാസി ഗ്രാമമായ മാമലകണ്ടം കാട്ടാന ശല്യമുള്ള മേഖല യാണ്. നിരവധി പ്രാവശ്യം ഇവിടെ ആളുകൾക്കും വീടുകൾക്കും നേരെ കാട്ടാനയാക്രമണം ഉണ്ടായിട്ടുണ്ട്. വൻ തോതിൽ കൃഷിയിടങ്ങൾ നശിപ്പിക്കുന്നതും ഇവിടെ പതിവാണ്.
