കോതമംഗലം : പോലീസിന്റെ ഔദ്യോഗിക കൃത്യനിർവ്വഹണം തടസപ്പെടുത്തിയ കേസിൽ യുവാവിനെ പോലീസ് അറസ്റ്റ് ചെയ്തു. നെല്ലിക്കുഴി കാപ്പുചാലിൽ മുഹമ്മദ് യാസിൻ (23) നെയാണ് കോതമംഗലം പോലീസ് അറസ്റ്റ് ചെയ്തത്. ഇയാളുടെ ഭാര്യ പരിക്കുപറ്റി കോതമംഗലത്തെ സ്വകാര്യ ആസ്പത്രിയിൽ ചികിത്സയിലാണ്.
അന്വേഷണത്തിന്റെ ഭാഗമായി ഇവരുടെ മൊഴിയെടുക്കാനെത്തിയ പോലീസുദ്യോഗസ്ഥയെ തടസപ്പെടുത്തി മൊഴി എഴുതുന്ന പേപ്പർ തട്ടിയെടുക്കുകയുയിരുന്നു. തുടർന്ന് ബഹളമുണ്ടാക്കിയ ഇയാളെ കൂടുതൽ പോലീസുദ്യോഗസ്ഥരെത്തിയാണ് പിടികൂടിയത്.
പെരുമ്പാവൂർ, കോതമംഗലം സ്‌റ്റേഷനുകളിൽ ഇയാൾക്കെതിരെ കേസുണ്ട്. ഇൻസ്പെക്ടർ വി.എസ്. വിപിൻ, എസ്. ഐ മാരായ ഇ.പി ജോയി, ലിബിൻ തോമസ്, സീനിയർ സി.പി.ഒ മാരായ ബിനു മാത്യു, ജിതേഷ് എന്നിവർ ചേർന്നാണ് പ്രതിയെ അറസ്റ്റ് ചെയ്തത്.
