നെല്ലിക്കുഴി: ഇന്ന് രാവിലെ നെല്ലിക്കുഴി 314 ഭാഗത്ത് സഞ്ചരിച്ച ഇരുചക്ര വാഹനം മറിഞ്ഞ് അംഗനവാടി അധ്യാപിക നാറാണകോട്ടില്‍ ഫാത്തിമ ( 58) മരണപെട്ടു. രാവിലെ ഏഴുമണിതോടെയാണ് അപകടം.314 റോഡിലെ ഇളബ്രറോഡിലുളള ഇടവഴിയിലാണ് അപകടം ഉണ്ടായത്. കുത്തനെയുളള കോണ്‍ക്രീറ്റ് റോഡില്‍ കരിയിലകള്‍ മഴയില്‍ അഴുകി കിടന്നിരുന്നു. ഇവിടെയുളള വളവ് തിരിയാന്‍ ബ്രേക്ക് ചവിട്ടിയതോടെ വാഹനം തെന്നി തൊട്ടടുത്തുളള പറബിലേക്ക് മറിയുകയും ഫാത്തിമ ഇതിനടിയില്‍ പെട്ടതാകാം മരണ കാരണം എന്ന് കരുതുന്നു. ആള്‍സഞ്ചാരം കുറവുളള ഇവിടെ അപകടം ഏഴുമണിക്ക് നടന്നെങ്കിലും പുറത്ത് അറിയുന്നത് ഏഴെമുക്കാലോടെയാണ്. സമയം അധികരിച്ചതും മരണ കാരണമായേക്കാം. മരണപെട്ട ഫാത്തിമ തൃക്കാരിയൂര്‍ കിളാചിറങ്ങര അംഗനവാടി അധ്യാപികയും പോസ്റ്റോഫീസ് ചിട്ടി ഏജന്‍റുകൂടി ആയിരുന്നു. ഏകമകന്‍ ഷെഫിഖ്. മൃതദേഹം കോതമംഗലം താലൂക്ക് ആശുപത്രി മോര്‍ച്ചറിയില്‍ .കോവിഡ് പരിശോധന റിസല്‍റ്റിന് ശേഷം പോസ്റ്റ് മോര്‍ട്ടം നടപടികള്‍ പൂര്‍ത്തീകരിച്ച് ഖബറടക്കും.
