പെരുമ്പാവൂർ : നിർധനരായ വിദ്യാർത്ഥികൾക്ക് പഠനം തുടരുന്നതിന് ഒപ്പം നിൽക്കാം കരുതൽ ആകാം പദ്ധതിയുമായി യൂത്ത് കോൺഗ്രസ് നിയോജകമണ്ഡലം കമ്മിറ്റി. എൽദോസ് കുന്നപ്പിള്ളി എം.എൽ.എ മണ്ഡലത്തിലെ നിർദ്ധനരായ വിദ്യാർത്ഥികൾക്കായി നടപ്പിലാക്കുന്ന കൊച്ചു ടി.വി പദ്ധതിയിലേക്ക് 10 ടെലിവിഷനുകളാണ് യൂത്ത് കോൺഗ്രസ് നൽകുന്നത്. പൂപ്പാനി വരിക്കാനാക്കിൽ വീട്ടിൽ അഭിജിത്ത്, ഹരിജിത്ത് എന്നിവർക്കും ചെയ്യാടി വീട്ടിൽ വരുൺ,വർഷ എന്നിവർക്കുള്ള ടെലിവിഷനുകൾ എൽദോസ് കുന്നപ്പിള്ളി എം.എൽ.എ വീട്ടിലെത്തി വിദ്യാർത്ഥികൾക്ക് കൈമാറി.
യൂത്ത് കോൺഗ്രസ് മണ്ഡലം പ്രസിഡന്റ് അരുൺ കുമാർ കെ.സി അധ്യക്ഷത വഹിച്ചു. ചടങ്ങിൽ നിയോജക മണ്ഡലം പ്രസിഡന്റ് കമൽ ശശി, കെ.പി.സി.സി അംഗം കെ.എം.എ സലാം, ടി.ജി സുനിൽ, ബിജു ജോൺ ജേക്കബ്, സി. കെ രാമകൃഷ്ണൻ, ജോജി ജേക്കബ്, എസ്. ഷറഫ്, ജെഫർ റോഡിഗ്രസ്, അഭിലാഷ്, അലോക് കെ. എ, ബേസിൽ പൗലോസ്, അമർ മിഷാൽ, ജിഷ്ണു എന്നിവർ പങ്കെടുത്തു
