പെരുമ്പാവൂർ : കോവിഡ് 19 പ്രതിരോധ പ്രവർത്തനങ്ങളുടെ ഭാഗമായി യൂത്ത് കോൺഗ്രസ് പെരുമ്പാവൂർ നിയോജകമണ്ഡലം കമ്മിറ്റി ആദ്യഘട്ടമായി രണ്ടായിരം സാനിറ്റൈസറുകൾ വിതരണം ചെയ്തു. പെരുമ്പാവൂർ താലൂക്ക് ഗവ. ആശുപത്രിയിൽ നടന്ന ചടങ്ങ് എൽദോസ് കുന്നപ്പിള്ളി എം.എൽ.എ ഉദ്ഘാടനം ചെയ്തു. എല്ലാ പഞ്ചായത്തുകളിലും യൂത്ത് കോൺഗ്രസ് മണ്ഡലം കമ്മിറ്റികളുടെ നേതൃത്വത്തിൽ തുടർന്ന് സാനിറ്റൈസറുകൾ വിതരണം ചെയ്യുമെന്ന് ചടങ്ങിൽ അദ്ധ്യക്ഷത വഹിച്ച നിയോജകമണ്ഡലം പ്രസിഡന്റ് കമൽ ശശി അറിയിച്ചു.
കെ.പി.സി.സി നിർവാഹക സമിതി അംഗം കെ.എം.എ സലാം, യൂത്ത് കോൺഗ്രസ് സംസ്ഥാന സെക്രട്ടറി ഷിജോ വർഗീസ്, ജില്ലാ ജനറൽ സെക്രട്ടറി സനൽ അവറാച്ചൻ, നിയോജകമണ്ഡലം വൈസ് പ്രസിഡന്റ് ജിജോ മറ്റത്തിൽ, ജനറൽ സെക്രട്ടറി നിബാസ് ഓണമ്പിള്ളി, എസ്.എ മുഹമ്മദ്, പി.കെ മുഹമ്മദ്കുഞ്ഞ്, വി.എച്ച് മുഹമ്മദ്, അബ്ദുൽ നിസ്സാർ, ജോജി ജേക്കബ്, അരുൺ കുമാർ കെ.സി, ബിനോയ് അരീക്കൽ, കുര്യൻ പോൾ, ചെറിയാൻ ജോർജ്ജ്, ജെഫർ റോഡ്രിഗസ്, അഭിലാഷ് മരുത്കവല, രാജേഷ് ഇരിങ്ങോൾ, പി.എസ് അബുബക്കർ, ജെലിൻ രാജൻ, മാത്യൂസ് കാക്കൂരാൻ എന്നിവർ സംസാരിച്ചു.
