കുട്ടമ്പുഴ: കേന്ദ്ര സർക്കാരിന്റെ തുടർച്ചയായ 14-ലാം ദിനത്തിലെ ഇന്ധന വില വർദ്ധനവിനെതിരെ യൂത്ത് കോൺഗ്രസ് കുട്ടമ്പുഴ മണ്ഡലം കമ്മിറ്റിയുടെ ആഭിമുഖ്യത്തിൽ കുട്ടമ്പുഴ ടൗണിൽ പ്രതിഷേധ പ്രകടനവും ധർണ്ണയും സംഘടിപ്പിച്ചു. പ്രവർത്തകർ ഇരുചക്രവാഹനങ്ങൾ തള്ളിക്കൊണ്ടാണ് പ്രതിഷേധിച്ചത്. തുടർന്ന് നടന്ന ധർണ്ണ യൂത്ത് കോൺഗ്രസ് എറന്നാകുളം ജില്ലാ ജനറൽ സെക്രട്ടറി ശ്രീ.കെ.എ.റമീസ് ഉദ്ഘാടനം ചെയ്തു .കൊവിഡ് 19 ദുരിതമനുഭവിക്കുന്ന ജനങ്ങളെ കൊള്ളയടിച്ച് കൊലപാതകം ചെയ്യുന്ന പ്രവൃത്തിയാണ് NDA സർക്കാരും നരേന്ദ്ര മോദിയും ചെയ്യുന്നതെന്ന് അദ്ദേഹം അഭിപ്രായപ്പെട്ടു.യൂത്ത് കോൺഗ്രസ് കോതമംഗലം നിയോജക മണ്ഡലം പ്രസിഡന്റ് ശ്രീ.റ്റി.എ.അമീൻ മുഖ്യ പ്രഭാഷണം നടത്തി.യൂത്ത് കോൺഗ്രസ് കുട്ടമ്പുഴ മണ്ഡലം പ്രസിഡന്റ് അഡ്വ : ലിബിൻ സെബാസ്റ്റ്യൻ അദ്ധ്യക്ഷത വഹിച്ചു.
കോൺഗ്രസ് ബ്ലോക്ക് വൈസ് പ്രസിഡന്റ് ശ്രീ.സി.ജെ.എൽദോസ്, പഞ്ചായത്ത് മെമ്പർ ശ്രീ.ഫ്രാൻസിസ് ആന്റണി, കോൺഗ്രസ് മണ്ഡലം വൈസ് പ്രസിഡന്റ് ശ്രീ.ബിജു ഐപ്പ്,യൂത്ത് കോൺഗ്രസ് അസംബ്ലി വൈസ് പ്രസിഡന്റ് ലിനോ തോമസ്, മണ്ഡലം ജനറൽ സെക്രട്ടറിമാരായ നിഖിൽ ചന്ദ്രൻ,അനു ഏലിയാസ്,എൽദോസ് സ്റ്റീഫൻ,ജോബിൻ പീറ്റർ, ലിൻസ്ലി എം.ഡി,അജിത് സജീവ് എന്നിവർ പ്രസംഗിച്ചു. പ്രവർത്തകർക്കെതിരെ പോലീസ് കേസ് ചാർജ് ചെയ്തു.
