Connect with us

Hi, what are you looking for?

CHUTTUVATTOM

കാട്ടാന ശല്യത്തിനെതിരെ വനം വകുപ്പ് നടപടി സ്വീകരിക്കണം: എൽദോസ് കുന്നപ്പിള്ളി എം എൽ എ

പെരുമ്പാവൂർ : കൂവപ്പടി ,വേങ്ങൂർ പഞ്ചായത്ത് അതിർത്തിയിലുള്ള തേക്ക് പ്ലാന്റേഷനോട് ചേർന്ന കൃഷിയിടങ്ങൾ പെരിയാർ നദികടന്നെത്തിയ കാട്ടാനകൾ നിരന്തരമായി കൃഷി നശിപ്പിക്കുന്നു. തെങ്ങ്, വാഴ, കമുക്, പൈനാപ്പിൾ, റബ്ബർ, കപ്പ, എന്നീ കൃഷികൾക്കാണ് ഏറെ നാശമുണ്ടായത് 2019 മുതൽ അഭയാരണ്യം ഇക്കോ ടൂറിസം കേന്ദ്രത്തിന്റെ പദ്ധതി പ്രദേശമായ കപ്രിക്കാട് മുതൽ പാണംകുഴി വരെയുള്ള 4 കി.മീ നീളവും 300 മീ വീതിയുമുള്ള തേക്ക് പ്ലാന്റേഷനിൽ എത്തുന്ന കാട്ടാനകൾ തൊട്ടടുത്ത കൃഷിയിടങ്ങളിലേക്ക് ഇറങ്ങുകയാണ്.കൂട്ടമായി എത്തിയ കാട്ടാനകൾ സാധാരണ വേനൽക്കാലത്താണ് എത്താറ്.എന്നാൽ ഇപ്രാവശ്യം വളരെ നേരത്തെ എത്തി. അഭയാരണ്യം പദ്ധതി പ്രദേശത്ത് കഴിഞ്ഞ ഒരു മാസക്കാലത്തോളമായി നിൽക്കുന്ന കാട്ടാനക്കൂട്ടത്തെ മറുകരയിലേക്ക് ഓടിച്ച് വിടുന്നതിനുള്ള നടപടി അടിയന്തരമായി വനം വകുപ്പ് സ്വീകരിക്കണമെന്ന് അഡ്വ. എൽദോസ് കുന്നപ്പള്ളി എംഎൽഎ ആവശ്യപ്പെട്ടു.

താളിപ്പാറയിലും പാണംകുഴിയിലും കാട്ടാനകൾ ഇറങ്ങി യ സ്ഥലങ്ങൾ എം.എൽ.എ സന്ദർശിച്ചു.
ആർ.ആർ.ടി. ടീമിനൊപ്പം പ്രദേശവാസികളെ കൂടി ഉൾപ്പെടുത്തി രാത്രികാല പട്രോളിംഗ് ആരംഭിക്കുകയും കൃഷി നാശമുണ്ടായ കർഷകർക്ക് അർഹമായ നഷ്ടപരിഹാരം നൽകണമെന്നും എം.എൽ എ ആവശ്യപ്പെട്ടു. ബ്ലോക്ക് പഞ്ചായത്തംഗം അനു അബീഷ് , വേങ്ങൂർ ഗ്രാമ പഞ്ചായത്തംഗം ആൻസി ജോബി എന്നിവർ പങ്കെടുത്തു. ഇക്കാര്യങ്ങൾ വകുപ്പ് മന്ത്രിയുടെ ശ്രദ്ധയിൽ പെടുത്തിയതായും 4 കി.മീ ദൂരം ഹാങ്ങിംഗ് ഫെൻസിംഗ് സ്ഥാപിക്കുന്ന കാര്യം പരിഗണിക്കുമെന്ന് മന്ത്രി മറുപടി നൽകിയതായും പ്രദേശത്തെ ജനങ്ങളെ എം എൽ എ അറിയിച്ചു.

You May Also Like

CHUTTUVATTOM

പെരുമ്പാവൂർ : വേങ്ങൂർ പഞ്ചായത്തിൽ ആറാം വാർഡിൽ സ്ഥിതി ചെയ്യുന്ന ആദിവാസി ഊരായ പോങ്ങൻ ചുവട് ആദിവാസി കൂടിയിലേക്ക് കെഎസ്ആർടിസി ബസ് അനുവദിക്കണമെന്ന എൽദോസ് കുന്നപ്പള്ളി എംഎൽഎയുടെ സബ്മിഷനിലൂടെയുള്ള ആവശ്യത്തിന് കെഎസ്ആർടിസി സർവീസ്...

CHUTTUVATTOM

പെരുമ്പാവൂർ : ബി.എം.ബി.സി നിലവാരത്തിൽ നിർമ്മാണം പൂർത്തീകരിച്ച കുറുപ്പുംപടി കൂട്ടിക്കൽ റോഡിൻ്റെ ഉദ്ഘാടനം പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസ് ഓൺലൈനായി നിർവഹിച്ചു. ബജറ്റ് പ്രൊവിഷൻ ഫണ്ടിൽ നിന്നും 5.14 കോടി...

CRIME

പെരുമ്പാവൂർ : നൂറ്റി എഴുപത്തഞ്ചോളം ലാപ്പ്ടോപ്പുകളും അനുബന്ധ ഉപകരണങ്ങളും തട്ടിയെടുത്ത കേസിൽ ഇറിഗേഷൻ ജീവനക്കാരൻ അറസ്റ്റിൽ. ഒക്കൽ വല്ലം പണിക്കരു കുടിവീട്ടിൽ അൻസിഫ് മൊയ്തീൻ (30) നെയാണ് പെരുമ്പാവൂർ പോലീസ് അറസ്റ്റ് ചെയ്തത്....

CHUTTUVATTOM

പെരുമ്പാവൂർ : വേങ്ങൂർ പഞ്ചായത്തിലെ മേക്കപ്പാല പ്രദേശത്തെ കാട്ടാന ആക്രമണത്തിൽ പരിക്കേറ്റവർക്ക് 10 ലക്ഷം രൂപ നഷ്ടപരിഹാരം നൽകണമെന്ന് എൽദോസ് കുന്നപ്പിള്ളി എംഎൽഎ ആവശ്യപ്പെട്ടു. വനം വകുപ്പ് മന്ത്രി എ.കെ ശശീന്ദ്രന് നൽകിയ...