കോതമംഗലം – കോതമംഗലം മണ്ഡലത്തിൽ കുട്ടമ്പുഴ പഞ്ചായത്തിലെ വടാട്ടുപാറ പലവൻ പുഴയുടെ സമീപം വനത്തോട് ചേർന്നുള്ള വാട്ടർ ടാങ്കിനു സമീപം ശനിയാഴ്ച(22/02/2020) നാട്ടുകാർ കണ്ടെത്തി വനം വകുപ്പ് ഉദ്യോഗസ്ഥരെ ഏൽപ്പിച്ച കുട്ടി കൊമ്പനായ ആനക്കുട്ടിയെ സുരക്ഷിതമായ ആന പരിപാലന കേന്ദ്രത്തിലേക്ക് മാറ്റണമെന്ന് ആവശ്യപ്പെട്ട് ആന്റണി ജോൺ എംഎൽഎ വനം വകുപ്പ് മന്ത്രിക്ക് കത്ത് നൽകി. മലയാറ്റൂർ ഫോറസ്റ്റ് ഡിവിഷനു കീഴിൽ തുണ്ടം റേഞ്ചിൽ വടാട്ടുപാറ ഫോറസ്റ്റ് സ്റ്റേഷന്റെ പരിധിയിൽ വച്ച് കണ്ടെത്തിയ കാട്ടാനക്കുട്ടിക്ക് ഏകദേശം നാല് മാസം മാത്രമാണ് പ്രായമെന്നും, നിലവിൽ ആനക്കയം ഫോറസ്റ്റ് ക്യാമ്പ് ഷെഡിനു സമീപം താൽക്കാലികമായി വേലി കെട്ടി സംരക്ഷിച്ചിരിക്കുന്ന കാട്ടാനക്കുട്ടിയുടെ ആരോഗ്യനില വഷളാവുകയാണെന്നും, കടുത്ത ചൂടിലും മറ്റും കാട്ടാനക്കുട്ടി ക്ഷീണിതനാണെന്നും അതുകൊണ്ട് ഏതെങ്കിലും സുരക്ഷിതമായ ആന പരിപാലന കേന്ദ്രത്തിലേക്ക് കുട്ടി ആനയെ അടിയന്തിരമായി മാറ്റുന്നതിനു വേണ്ട നടപടി സ്വീകരിക്കണമെന്നും എംഎൽഎ ബഹു:മന്ത്രിയോട് ആവശ്യപ്പെട്ടു.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
https://www.facebook.com/kothamangalamvartha/videos/194764835064343/
![](https://kothamangalamnews.com/wp-content/uploads/2023/11/kothamangalamnews.png)
You must be logged in to post a comment Login