കോതമംഗലം: കോതമംഗലത്ത് പുഴയില് കുളിക്കാനിറങ്ങിയ മൂന്ന് വിദ്യാര്ത്ഥികള് മുങ്ങിമരിച്ചു. വടാട്ടുപാറ പലവന് പടി പുഴയില് കുളിക്കാനിറങ്ങിയ തിരുവല്ല സ്വദേശി ബിയോണ്, തിരുവനന്തപുരം സ്വദേശി ഹരീഷ്, കോട്ടയം സ്വദേശി അതുല് എന്നിവരാണ് മരിച്ചത്. കോതമംഗലം മാര് ബസേലിയോസ് ദന്തല് കോളേജിലെ വിദ്യാര്ത്ഥികളാണ് മരിച്ച വിദ്യാര്ത്ഥികള്.
9 പേരടങ്ങുന്ന സംഘം പുഴയില് കുളിക്കാനിറങ്ങിയപ്പോഴാണ് അപകടമുണ്ടായത്. മുന്ന് പേരെയും കോതമംഗലം ഫയര്ഫോഴ്സെത്തി കരയ്ക്കെത്തിച്ച് ആശുപത്രിയില് പ്രവേശിപ്പിച്ചെങ്കിലും രക്ഷിക്കാനായില്ല. അപകടം പതിവായ ഇവിടെ മുന്നറിയിപ്പ് ബോര്ഡുകള് സ്ഥാപിച്ചിട്ടുണ്ടെങ്കിലും ആളുകള് ഇത് അവഗണിക്കുകയാണെന്ന് കുട്ടമ്പുഴ പഞ്ചായത്ത് വൈസ് പ്രസിഡന്റ് എല്ദോസ് ബേബി പറഞ്ഞു.
മരിച്ച വിദ്യാര്ത്ഥികളുടെ മൃതദേഹങ്ങള് പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ട് നല്കും.
