കോതമംഗലം: കോതമംഗലത്തിന്റെ സ്വപ്ന പദ്ധതിയും 2019 -20 ബഡ്ജറ്റിൽ 4.5 കോടി രൂപ വകയിരുത്തുകയും ചെയ്ത തങ്കളം – കോഴിപ്പിള്ളി ന്യൂ ബൈപാസ് റോഡിന്റെ ആദ്യ റീച്ച് തങ്കളം മുതൽ കലാ ഓഡിറ്റോറിയം വരെയുള്ള നിർമ്മാണ പ്രവർത്തനങ്ങൾക്കു ഭരണാനുമതി ലഭ്യമായതായി ആന്റണി ജോൺ എംഎൽഎ അറിയിച്ചു. പൊതുമരാമത്ത് വകുപ്പിൽ നിന്നും ജി ഒ ആർ ടി നമ്പർ 1518/2019/PWD പ്രകാരമുള്ള ഉത്തരവ് പ്രകാരമാണ് ഭരണാനുമതി ലഭ്യമായതെന്നും , ടെക്നിക്കൽ സാംഗ്ഷൻ ലഭ്യമാക്കി ടെണ്ടർ നടപടികൾ വേഗത്തിലാക്കുമെന്നും എംഎൽഎ പറഞ്ഞു.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
2019 -20 ബഡ്ജറ്റിൽ 10 കോടി രൂപ വകയിരുത്തിയിട്ടുള്ള ടി ബൈപ്പാസിന്റെ രണ്ടാം റീച്ച് ആയ കലാ ഓഡിറ്റോറിയം മുതൽ കോഴിപ്പിള്ളി വരെയുള്ള നിർമ്മാണ പ്രവർത്തികൾക്ക് വേണ്ടിയുള്ള ഭരണാനുമതിക്കായി വിശദമായ എസ്റ്റിമേറ്റ് സർക്കാരിൽ സമർപ്പിച്ചിട്ടുണ്ടെന്നും, പ്രസ്തുത പ്രവർത്തിയുടെ ഭരണാനുമതി വേഗത്തിൽ ലഭ്യമാക്കുമെന്നും എംഎൽഎ കൂട്ടിച്ചേർത്തു.
![](https://kothamangalamnews.com/wp-content/uploads/2023/11/kothamangalamnews.png)
You must be logged in to post a comment Login