കോതമംഗലം: നാടും കാടും അതിരിടുന്ന കുട്ടമ്പുഴ പഞ്ചായത്തിൽ യുഡിഎഫ് സ്ഥാനാർഥി ഷിബു തെക്കുംപുറത്തിന് സ്വീകരണം നൽകി. കുട്ടംമ്പുഴ പഞ്ചായത്തിലെ മാമലക്കണ്ടം എളംബാശ്ശേരി ഊരിൽ നിന്നായിരുന്നു സ്ഥാനാർഥി പര്യടനം ആരംഭിച്ചത്. മുൻ മന്ത്രി ടി.യു. കുരുവിള ഉദ്ഘാടനം ചെയ്തു. ഫ്രാൻസിസ് ചാലിൽ അധ്യക്ഷത വഹിച്ചു. തുറന്ന വാഹനത്തിൽ വന്നിറങ്ങിയ ഷിബുവിനെ ഊരു നിവാസികൾ പാളത്തൊപ്പി അണിയിച്ചു സ്വീകരിച്ചു.
പിണവൂർകൂടി ഉൾപ്പെടെയുള്ള സ്വീകരണ കേന്ദ്രങ്ങളിൽ ആദിവാസി ജന വിഭാഗത്തിലെ നൂറ് കണക്കിന് സ്ത്രീകളും കുട്ടികളും പങ്കെടുത്തു. പഞ്ചായത്തിലെ ഇരുപതോളം കേന്ദ്രങ്ങളിലാണ് സ്വീകരണ യോഗങ്ങൾ നടന്നത്. എബിഎബ്രാഹാം, കെ. ഐ. ജേക്കബ്,കാന്തി വെള്ളക്കയൻ, റോയ് കെ. പോൾ,സീതി മുഹമ്മദ്, കെ.എ.സിബി,സി.ജെ. എൽദോസ്,ജെയിംസ് കോറബേൽ, പരീത് പട്ടംമാവുടി,കെ.ഇ.കാസിം, ബേബി സേവ്യർ എന്നിവർ വിവിധ കേന്ദ്രങ്ങളിൽ പ്രസംഗിച്ചു.
