സ്വന്തം ഓട്ടോയുമായി വന്ന് സൗജന്യമായി സേവനം ചെയ്യുന്ന സനൽ വിജയൻ ശ്രദ്ധേയനാകുന്നു.

കോതമംഗലം : തങ്കളം വിവേകാനന്ദ സ്കൂളിൽ നടത്തുന്ന കോവിഡ് കെയർ സെന്ററിൽ
ദിവസങ്ങളായി സൗജന്യ സേവനം നടത്തുകയാണ് സനൽ വിജയൻ. തന്റെ സ്വന്തം ഓട്ടോയുമായി വന്ന് പോസിറ്റീവ് ആയി വീടുകളിൽ തങ്ങാൻ സൗകര്യമില്ലാത്തവരെ സെന്ററിൽ എത്തിക്കുകയും, കോവിഡ് കെയർ സെന്ററിലെ ഹെല്പ് ഡെസ്കിൽ വരുന്ന കോളുകൾക്കനുസരിച്ച് വീടുകളിൽ നിന്ന് ടെസ്റ്റ് ചെയ്യേണ്ട ആളുകളെ കൊണ്ടുപോവുക, ക്വാറൻ്റൈൻ കഴിഞ്ഞവരെ തിരികെ വീടുകളിൽ എത്തിക്കുക തുടങ്ങിയ സേവനങ്ങൾ എല്ലാം സൗജന്യമായി ചെയ്തു കൊണ്ടിരിക്കുകയാണ് സനൽ.

കഴിഞ്ഞ മഹാപ്രളയ സമയത്ത് സേവാഭാരതിയുടെ നേതൃത്തിൽ എറണാകുളം ജില്ലയിലെ വിവിധ പ്രദേശങ്ങളിൽ നടന്ന സേവാ പ്രവര്ത്തനങ്ങളിലും, കിണർ വൃത്തിയാക്കി കൊടുക്കുന്നതിലും സനൽ മുൻ നിരയിലുണ്ടായിരുന്നു. സനൽനെ പോലെ നിരവധി പ്രവർത്തകർ കോവിഡ് രോഗികൾക്ക് സഹായവുമായി കോവിഡ് കെയർ സെന്ററിൽ നിർലോഭം സേവനം ചെയ്യുന്നുണ്ട്. കോവിഡിന്റെ രണ്ടാം വരവിലും സാമൂഹിക നന്മ ലക്ഷ്യമാക്കി പ്രവർത്തനത്തിൽ മുഴുകി നാടിന്റെ അഭിമാനമാകുകയാണ് സനൽ വിജയൻ എന്ന അയക്കാട് സ്വദേശി.