കാർ വെയ്റ്റിംഗ് ഷെഡിലേക്ക് ഇടിച്ചു കയറി

പോത്താനിക്കാട് : പുളിന്താനത്തിന് സമീപം കാർ വെയ്റ്റിംഗ് ഷെഡിലേക്ക് ഇടിച്ചു കയറി. ഇന്ന് ഉച്ചക്ക് രണ്ടു മണിയോടെ മാവുടി കവലക്ക് സമീപത്തെ ബസ് സ്റ്റോപ്പിലേക്ക് കാർ നിയന്ത്രണം നഷ്ടപ്പെട്ട് ഇടിച്ചു കയറുകയായിരുന്നു. കാറിൽ ഉണ്ടായിരുന്ന യാത്രക്കാർ അത്ഭുതകരമായി രക്ഷപ്പെട്ടു.

ദിവസങ്ങൾ മാത്രം പ്രായമുള്ള കൈ കുഞ്ഞ് അടക്കം അഞ്ചു പേർ ഭാഗ്യം കൊണ്ടാണ് മാരകമായ പരുക്കുകൾ ഏൽക്കാതെ അപകടത്തിൽ നിന്നും രക്ഷപ്പെട്ടത്. അപകടത്തെത്തുടർന്ന് ബസ് കാത്തിരിപ്പ് കേന്ദ്രo പൂർണ്ണമായി തകർന്നു.