കോതമംഗലം: പൊതുജനങ്ങള്ക്ക് കൂടുതല് മെച്ചപ്പെട്ട ആരോഗ്യസേവനങ്ങള് ഉറപ്പാക്കുന്നതിന്റെ ഭാഗമായി കോതമംഗലം താലൂക്ക് ആശുപത്രിയില് ആരംഭിച്ച ഈവനിംഗ് ഒപിയുടെയും പുതിയ അത്യാധുനിക ചികിത്സാ വിഭാഗങ്ങളുടെയും ഉദ്ഘാടനം നടത്തി. ഷിബു തെക്കുംപുറം എംഎല്എ ഉദ്ഘാടനം നിര്വഹിച്ചു.
കോതമംഗലം നഗരസഭ ചെയര്പേഴ്സണ് ഭാനുമതി രാജു അധ്യക്ഷത വഹിച്ച യോഗത്തില് നഗരസഭ വൈസ് ചെയര്മാന് പ്രിന്സ് വര്ക്കി, ആരോഗ്യ സ്റ്റാന്ഡിംഗ് കമ്മിറ്റി ചെയര്പേഴ്സണ് സിന്ധു ജിജോ, വികസനകാര്യ സ്റ്റാന്ഡിംഗ് കമ്മിറ്റി ചെയര്പേഴ്സണ് ആബിത ,ക്ഷേമകാര്യ സ്റ്റാന്ഡിംഗ് കമ്മിറ്റി ചെയര്മാന് അനൂപ് ജോര്ജ്, പൊതുമരാമത്ത് സ്റ്റാന്ഡിംഗ് കമ്മിറ്റി ചെയര്മാന് ,ജോര്ജ്ജ് അമ്പാട്ട്, വിദ്യാഭ്യാസ സ്റ്റാന്ഡിംഗ് കമ്മിറ്റി ചെയര്പേഴ്സണ് ആഷ്ലി,പ്രതിപക്ഷ നേതാവ് സി.പി.എസ്. ബാലന്, താലൂക്ക് ആശുപത്രി സൂപ്രണ്ട് ഡോ. സാംപോള് സി. എന്നിവര് പ്രസംഗിച്ചു.
പുതിയ സേവനങ്ങളുടെ പ്രവര്ത്തനാരംഭത്തോടെ വൈകുന്നേരങ്ങളിലും രോഗികള്ക്ക് വിദഗ്ധ ചികിത്സയും കൂടുതല് സൗകര്യപ്രദമായ ആരോഗ്യസേവനങ്ങളും ലഭ്യമാകുമെന്ന് അധികൃതര് അറിയിച്ചു. ഈവനിംഗ് ഒപി ആരംഭിച്ചതിലൂടെ ജോലി ചെയ്യുന്നവര്ക്കും വിദ്യാര്ത്ഥികള്ക്കും അടിയന്തര ചികിത്സ ആവശ്യമുള്ളവര്ക്കും ആശുപത്രിയുടെ സേവനങ്ങള് കൂടുതല് എളുപ്പത്തില് പ്രയോജനപ്പെടുത്താന് കഴിയും.
