കോതമംഗലം: റോട്ടറി ക്ലബ് കൊച്ചിൻ മെട്രോ പോളിസിന്റെയും കോതമംഗലം സെന്റ് ജോൺസ് ധ്യാന കേന്ദ്രത്തിന്റെയും നേതൃത്വത്തിൽ പിണ്ടിമന പഞ്ചായത്തിലെ 3 നിർധനരായ വിധവകൾക്ക് വീട് നിർമ്മിച്ചു നൽകുന്നു. 3 സെന്റ് സ്ഥലം വീതം വാങ്ങിയാണ് വീട് നിർമ്മിച്ചു കൊടുക്കുന്നത്.പിണ്ടിമന പഞ്ചായത്തിൽ മാലിപ്പാറ മാണയാട്ട് കാലായിൽ സിന്ധു റോയിക്കും,പഴയാട്ട് പറമ്പിൽ മറിയാമ്മ ദേവസിക്കും, തൊട്ടിയിൽ ഏലിയാമ്മ റോയിക്കും പണിത് കൊടുക്കുന്ന വീടിന്റെ കല്ലിടീൽ ചടങ്ങ് ആന്റണി ജോൺ എം എൽ എ നിർവ്വഹിച്ചു.
ചടങ്ങിൽ റോട്ടറി ക്ലബ് ഇന്റർനാഷ്ണലിലെ ഭാരവാഹികളായ വർഗീസ് കെ ജോയി,ബ്ലസൻ വർഗീസ്,സുദീപ് തോമസ്,സ്കറിയ എബ്രഹാം,സലീം മണവാളൻ,സന്തോഷ് പുതുക്കയിൽ,സെന്റ് ജോൺസ് ധ്യാന കേന്ദ്രം പ്രസിഡന്റ് ഫാദർ മാത്യൂസ് കുഴിവേലിപ്പുറത്ത്,ഡയറക്ടർ ജോണി തോളേലി,ഗോഡ്ലി പി ജോണി,കോ ഓർഡിനേറ്റർ എം എസ് ബെന്നി എന്നിവർ പങ്കെടുത്തു.ഈ വർഷം തന്നെ പണിപൂർത്തീകരിച്ച് താക്കോൽ കൈമാറുമെന്ന് ഭാരവാഹികൾ അറിയിച്ചു.
