Connect with us

Hi, what are you looking for?

NEWS

പിണ്ടിമന പഞ്ചായത്ത് ഓഫീസിന് പിന്നിൽ കാട്ടാന; നാട്ടുകാർക്കെതിരെ പരാതിയുമായി വന്നതാകുമെന്ന് ചങ്കിടിപ്പോടെ പരിസരവാസികൾ.

  • ജെറിൽ ജോസ് കോട്ടപ്പടി.

കോതമംഗലം : നാട്ടുകാർക്കെതിരെ ശക്തമായ പരാതിയുമായി കാട്ടാനകൾ പിണ്ടിമന ഗ്രാമപഞ്ചായത്തിനു സമീപം വരെ എത്തി. വനാതിർത്തിയിൽ നിന്നും ഏഴു കിലോമീറ്ററോളം സഞ്ചരിച്ചാണ് കാട്ടാനകൾ ജനവാസ മേഖലയ്ക്ക് നടുവിലൂടെ പിണ്ടിമന ഗ്രാമപഞ്ചായത്ത് ഓഫീസിനു സമീപം എത്തിയത്. കോതമംഗലം നിയോജകമണ്ഡലത്തിലെ ഏറ്റവുമധികം കാട്ടാനശല്യം രൂക്ഷമായ പ്രദേശമാണ് കോട്ടപ്പടിയും പിണ്ടിമനയും.

വനാതിർത്തിയിൽ താമസിക്കുന്ന ആളുകൾക്ക് നിരന്തരം ആനശല്യം ഉണ്ടാകുന്നുണ്ടെങ്കിലും പിണ്ടിമന പഞ്ചായത്ത് ഓഫീസിനു സമീപത്തേക്ക് ആനകൾ എത്തിയത് ജനങ്ങളെ ആകെപ്പാടെ ഭീതിയിലാഴ്ത്തിയിരിക്കുകയാണ്. കോടനാട് ഫോറസ്റ്റ് സ്റ്റേഷനിൽ നിന്നും എലിഫന്റ് സ്ക്വാഡ് എത്തി ആനകളെ തിരഞ്ഞെങ്കിലും കണ്ടെത്താനായിട്ടില്ല. ആന തിരിച്ച് വനത്തിലേക്ക് തന്നെ മടങ്ങി എന്നുള്ള നിഗമനത്തിലാണ് ഫോറസ്റ്റ് ഉദ്യോഗസ്ഥർ. എന്നാൽ സമീപത്തുള്ള കാടുപിടിച്ചുകിടക്കുന്ന റബർതോട്ടത്തിനുള്ളിൽ ആന തമ്പടിച്ചിട്ടുണ്ടാവുമെന്ന ഭയത്തിൽ ആളുകൾ തിരച്ചിൽ തുടരുകയാണ്.

ജനവാസ മേഖലകളിലുള്ള കാട്ടാനകളുടെ കടന്നുകയറ്റം അതിരൂക്ഷമായി തുടരുകയാണ് കോട്ടപ്പടി പിണ്ടിമന പഞ്ചായത്തുകളിൽ ശാശ്വതമായിട്ടുള്ള നടപടിയെടുക്കാൻ ബന്ധപ്പെട്ട അധികാരികൾക്ക് ഇതുവരെ കഴിഞ്ഞിട്ടില്ല. വനത്തിനു പുറത്ത് നാട്ടുവഴികളിൽ കാട്ടാനകളെ പേടിച്ചു യാത്രചെയ്യണ്ട അവസ്ഥയിലേക്ക് കോട്ടപ്പടി പിണ്ടിമന പ്രദേശവാസികൾ മാറുകയാണ്.

You May Also Like

NEWS

കോതമംഗലം :പിണ്ടിമന ഹെൽത്ത് സെന്ററിന്റെ ഈവനിംഗ് ഒ പി വിഭാഗത്തിന്റെ ഉദ്ഘാടനം ആന്റണി ജോൺ എം എൽ എ നിർവ്വഹിച്ചു .പഞ്ചായത്ത് പ്രസിഡന്റ് ജസി സാജു അദ്ധ്യക്ഷയായി .വൈസ് പ്രസിഡന്റ് ജയ്സൺ ദാനിയൽ...

ACCIDENT

കോതമംഗലം :ബാംഗളുരുവിൽ നഴ്സിംഗ് വിദ്യാർത്ഥി വാഹനാപകടത്തിൽ മരിച്ചു. കോതമംഗലം ചേലാട്, കരിങ്ങഴ മനിയാനിപുറത്ത് സിബി ചാക്കോ-ഷൈല ദമ്പതികളുടെ മകൻ ആന്റൺ സിബി(ആന്റപ്പൻ-21) ആണ് മരിച്ചത്. ആന്റൺ സഞ്ചരിച്ച ഇരുചക്രവാഹനം അപകടത്തിൽപെടുകയായിരുന്നു. ബാംഗളുരുവിൽ മൂന്നാം...

NEWS

കോതമംഗലം : വാവേലി , വേട്ടാമ്പാറ എന്നീ പ്രദേശങ്ങളിലെ അക്കേഷ്യാ മരങ്ങൾ മുറിച്ച്‌ മാറ്റൽ പ്രവർത്തി ആരംഭിച്ചു .മേയ്‌ക്കപാലാ ഫോറെസ്റ് സ്റ്റേഷന് കീഴിൽ വരുന്ന അക്കേഷ്യാ മരങ്ങളാണ് മുറിച്ചു നീക്കുവാൻ ആരംഭിച്ചിരിക്കുന്നത് .അക്കേഷ്യ...

NEWS

കോതമംഗലം : സെൻട്രൽ റോഡ് ഫണ്ട്: ആയക്കാട് – മുത്തംകുഴി – വേട്ടാമ്പാറ റോഡിൻറെ ടെൻഡർ പൂർത്തികരിച്ചു . ആയക്കാട് – മുത്തംകുഴി – വേട്ടാമ്പാറ റോഡ് ടെൻഡർ പൂർത്തികരിച്ചു. നിർമ്മാണം ഉടൻ ആരംഭിക്കും...