പെരുമ്പാവൂർ : പെരുമ്പാവൂർ മണ്ഡലത്തിലെ വിവിധ ഗ്രാമീണ റോഡുകൾ പുനർ നിർമ്മിക്കുന്നതിന് 485 ലക്ഷം രൂപയുടെ അനുമതി ലഭ്യമായതായി അഡ്വ. എൽദോസ് കുന്നപ്പിള്ളി എം.എൽ.എ അറിയിച്ചു. വിവിധ ഗ്രാമപഞ്ചായത്തുകളിലെ 18 റോഡുകൾക്കാണ് അനുമതി ലഭ്യമായത്. ഏറെ നാളായി മോശമായ ഈ റോഡുകൾ നവീകരിക്കുന്നതിന് തുക അനുവദിക്കാത്ത സാഹചര്യത്തിൽ അടിയന്തിരമായി നന്നാക്കുന്നതിന് എല്ലാ പഞ്ചായത്തുകളിലെയും പെരുമ്പാവൂർ മുനിസിപ്പാലിറ്റിയിലെയും ഉൾപ്പെട്ട 35 റോഡുകളുടെ പട്ടിക തദ്ദേശസ്വയംഭരണ വകുപ്പ് മന്ത്രി എ.സി മൊയ്‌തീന് എം.എൽ.എ സമർപ്പിച്ചിരുന്നു. ഇതിൽ നിന്നുള്ള 18 റോഡുകൾക്കാണ് മന്ത്രി അനുമതി നൽകിയത്.
അശമന്നൂർ ഗ്രാമപഞ്ചായത്തിലെ ഏക്കുന്നം – കോട്ടച്ചിറ റോഡ് 40 ലക്ഷം രൂപ, ചെട്ടിനട – വലിയപ്പാറ റോഡ് 25 ലക്ഷം, കൂവപ്പടി ഗ്രാമപഞ്ചായത്തിലെ ചെട്ടിനട – കുന്നേലം – വലിയപ്പാറ റോഡ് – 25 ലക്ഷം, വളവുംപടി – കനാൽ ബണ്ട് റോഡ് – 25 ലക്ഷം, പുക്കാട്ടുമാരി – വള്ളിക്കാട്ടു – കുഞ്ച റോഡ് – 20 ലക്ഷം, മുടക്കുഴ ഗ്രാമപഞ്ചായത്തിലെ മുടക്കുഴ – പാണ്ടിക്കാട് റോഡ് – 15 ലക്ഷം, നെടുങ്കണ്ണി – ചൂരമുടി റോഡ് – 25 ലക്ഷം, പാറ – കുറുപ്പംകുന്ന് റോഡ് – 12 ലക്ഷം, കൂവപ്പടി ഗ്രാമപഞ്ചായത്തിലെ കൊടുവേലിപ്പടി – കൂടാലപ്പാട് റോഡ് – 25 ലക്ഷം.
ഒക്കൽ ഗ്രാമപഞ്ചായത്തിലെ ഒക്കൽ അമ്പലം – ചേലമറ്റം അമ്പലം ആർച്ച് റോഡ് – 75 ലക്ഷം, രായമംഗലം ഗ്രാമപഞ്ചായത്തിലെ പുല്ലുവഴി കവല – തുരുത്തിപ്ലി റോഡ് – 30 ലക്ഷം, പുത്തൂരാൻ കവല – പുളിയാമ്പിള്ളി നാല്‌ സെന്റ് കോളനി റോഡ് – 15 ലക്ഷം, പുല്ലുവഴി – കല്ലിൽ അമ്പലം – പണിക്കരമ്പലം കനാൽ ബണ്ട് റോഡ് – 22 ലക്ഷം, വെങ്ങോല ഗ്രാമപഞ്ചായത്തിലെ ആനിക്കാമറ്റം – വല്ലൂരാൻ റോഡ് – 25 ലക്ഷം, എം.എച്ച് കവല – വെട്ടിക്കാട്ടുക്കുന്ന് റോഡ് – 20 ലക്ഷം, കോപ്രാമ്പി റോഡ് – 15 ലക്ഷം, വേങ്ങൂർ ഗ്രാമപഞ്ചായത്തിലെ നെടുങ്ങപ്ര – ചൂരത്തോട് റോഡ് – 50 ലക്ഷം, കനാൽ പാലം – അശമന്നൂർ റോഡ് – 35 ലക്ഷം രൂപ എന്നിവയ്ക്കാണ് ഭരണാനുമതി ലഭ്യമായത്. സാങ്കേതികാനുമതി ലഭ്യമാക്കി ടെൻഡർ നടപടികൾ പൂർത്തീകരിച്ചു ഉടൻ തന്നെ പുനരുദ്ധാരണ പ്രവൃത്തികൾ ആരംഭിക്കുമെന്ന് എം.എൽ.എ അറിയിച്ചു.
