Connect with us

Hi, what are you looking for?

CHUTTUVATTOM

ഓട്ടോറിക്ഷ തൊഴിലാളികൾക്ക് ക്ഷേമനിധിയിൽ നിന്ന് അടിയന്തിര ധനസഹായം അനുവദിക്കണം : എം.എൽ.എ

പെരുമ്പാവൂർ : ഓട്ടോറിക്ഷ തൊഴിലാളികൾക്ക് അടിയന്തിരമായി ക്ഷേമനിധി ബോർഡിൽ നിന്നും ധനസഹായം അനുവദിക്കണമെന്ന് എൽദോസ് കുന്നപ്പിള്ളി എം.എൽ.എ മുഖ്യമന്ത്രിക്ക് നൽകിയ അവശ്യപ്പെട്ടു. തൊഴിലാളികൾ ധനസഹായത്തിനായി അപേക്ഷിച്ചു ഒരു മാസം കഴിഞ്ഞിട്ടും സർക്കാർ ഇതിനുള്ള നടപടികൾ സ്വീകരിച്ചിട്ടില്ലെന്ന് എം.എൽ.എ കുറ്റപ്പെടുത്തി.

നമ്മുടെ സമൂഹത്തിൽ ഏറ്റവും കൂടുതൽ ദുരിതം അനുഭവിക്കുന്ന ഓട്ടോറിക്ഷ തൊഴിലാളികൾ കഴിഞ്ഞ രണ്ട് മാസക്കാലമായി ജീവിതം ദുരിതത്തിലാണ്. ലോക്ക്ഡൗൺ നിയന്ത്രണങ്ങൾ അവരുടെ കുടുംബങ്ങളെ നന്നായി ബാധിച്ചിട്ടുണ്ട്. അന്നത്തെ ദിവസത്തെ കുടുംബ ചിലവ് കഴിഞ്ഞു പോകും എന്നതിനപ്പുറം സമ്പാദ്യം എന്നത് ഓട്ടോറിക്ഷ തൊഴിലാളികൾക്ക് അന്യമാണ്. കോടിക്കണക്കിന് തുകയാണ് ഓട്ടോറിക്ഷ തൊഴിലാളികളുടെ വിഹിതമായി ക്ഷേമനിധി ബോർഡിലേക്ക് അടക്കുന്നത്. ക്ഷേമനിധിയിൽ അംഗത്വമുള്ള ഓട്ടോറിക്ഷ തൊഴിലാളികൾക്ക് 2000 രൂപയും അംഗത്വം ഇല്ലാത്തവർക്ക് 1000 രൂപയും അടിയന്തിരമായി ധനസഹായം അനുവദിക്കണം. ഈ സർക്കാർ അധികാരത്തിൽ വന്നതിനെ തുടർന്ന് അഞ്ച് വർഷത്തെ നികുതി ഒരുമിച്ചു അടയ്ക്കുന്ന അവസ്ഥയിലേക്ക് നയിച്ചിരുന്നു. അതുകൊണ്ട് തന്നെ ഓട്ടോറിക്ഷ തൊഴിലാളികളുടെ ആവശ്യം ന്യായമാണ് എന്ന കാര്യത്തിൽ സംശയമില്ല. ഈ വിഷയത്തിൽ അടിയന്തിര ശ്രദ്ധ പതിപ്പിച്ചു ഇവരുടെ ക്ഷേമനിധി വിഹിതം അടിയന്തിരമായി അനുവദിച്ചു നൽകണമെന്നും മുഖ്യമന്ത്രിക്ക് നൽകിയ കത്തിൽ എം.എൽ.എ ആവശ്യപ്പെട്ടു.

You May Also Like

CHUTTUVATTOM

പെരുമ്പാവൂർ : ആറാം വിരൽ മുറിക്കേണ്ടി വന്ന കുട്ടിക്ക് നാവു മുറിച്ചു മാറ്റാഞ്ഞത് ഭാഗ്യം കൊണ്ട് മാത്രമാണെന്ന് എൽദോസ് കുന്നപ്പള്ളി എംഎൽഎ പറഞ്ഞു .ആരോഗ്യവകുപ്പിന്റെ പേര് അനാസ്ഥ വകുപ്പ് എന്നാക്കണമെന്നും ആരോഗ്യവകുപ്പ് മന്ത്രിക്ക്...

CHUTTUVATTOM

പെരുമ്പാവൂർ : വേങ്ങൂർ ,മുടക്കുഴ പഞ്ചായത്തുകളിൽ മഞ്ഞപ്പിത്ത ബാധ വ്യാപകമാകുന്നത് തടയുവാൻ ജില്ലാ മെഡിക്കൽ ഓഫീസർ ഡോ .ഷക്കീനയുടെ സാന്നിധ്യത്തിൽ എൽദോസ് കുന്നപ്പിള്ളി എംഎൽഎയുടെ നേതൃത്വത്തിൽ അവലോകനയോഗം ചേർന്നു . ഇരു പഞ്ചായത്തുകളിലുമായി...

CHUTTUVATTOM

പെരുമ്പാവൂർ : വേങ്ങൂർ പഞ്ചായത്തിൽ ആറാം വാർഡിൽ സ്ഥിതി ചെയ്യുന്ന ആദിവാസി ഊരായ പോങ്ങൻ ചുവട് ആദിവാസി കൂടിയിലേക്ക് കെഎസ്ആർടിസി ബസ് അനുവദിക്കണമെന്ന എൽദോസ് കുന്നപ്പള്ളി എംഎൽഎയുടെ സബ്മിഷനിലൂടെയുള്ള ആവശ്യത്തിന് കെഎസ്ആർടിസി സർവീസ്...

CHUTTUVATTOM

പെരുമ്പാവൂർ : ബി.എം.ബി.സി നിലവാരത്തിൽ നിർമ്മാണം പൂർത്തീകരിച്ച കുറുപ്പുംപടി കൂട്ടിക്കൽ റോഡിൻ്റെ ഉദ്ഘാടനം പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസ് ഓൺലൈനായി നിർവഹിച്ചു. ബജറ്റ് പ്രൊവിഷൻ ഫണ്ടിൽ നിന്നും 5.14 കോടി...