നെല്ലിക്കുഴി : ഇരുമലപ്പടിയിൽ ഉണ്ടായ വാഹനാപകടത്തിൽ നാട്ടുകാരൻ മരണപ്പെട്ടു.
28-05-2023 ഞായർ നെല്ലിക്കുഴി ഇരുമലപ്പടി കിഴക്കേ കവല കുപ്പശ്ശേരി മോളം റോഡിന് സമീപം താമസിക്കുന്ന ഇടപ്പാറ പരേതനായ മക്കാർ – മീരാമ്മ തംബതികളുടെ മകൻ അലിയാർ ഇ എം (52) മരണപെട്ടു. ഭാര്യ റഷീദ അലിയാർ, മക്കൾ – മുഹ്സിന (ഡോക്ടർ ) മുബാരിസ് (വിദ്യാർത്ഥി ). ഖബറടക്കം നെല്ലിക്കുഴി കമ്പനിപ്പടി നെല്ലിക്കുന്നത്ത് ജുമാ മസ്ജിദ് ഖബർസ്ഥാനിൽ നാളെ 12 മണിക്ക് . 28 – 05-2023 ഞായർ രാവിലെ 11 ന് ഇരുമലപ്പടി പടിഞ്ഞാറെ കവലയിൽ വച്ചാണ് വാഹന അപകടമുണ്ടായത്. ആദ്യം ബസോലിയോസ് ആശുപത്രിയിലും പരുക്ക് ഗുരുതരമായതിനാൽ തുടർന്ന് എറണാകുളം ആസ്റ്റർ മെഡിസിറ്റിയിലേക്ക് കൊണ്ട് പോയെങ്കിലും ജീവൻ രക്ഷിക്കാൻ സാധിച്ചില്ല.

കവളങ്ങാട്ത : തലക്കോട് ഇഞ്ചിപ്പാറ ചെക്ക് പോസ്റ്റിന് സമീപം നിയന്ത്രണം വിട്ട ബസ് മണ്ണിൽ കുത്തി ചെരിഞ്ഞു. ഊന്നുകൽ പോലീസ് സ്ഥലത്തെത്തി മേൽ നടപടികൾ സ്വീകരിച്ചു. വെള്ളക്കയത്ത് നിന്ന് കോതമംഗലം ഭാഗത്തേക്ക് വരികയായിരുന്ന സ്വകാര്യ ബസ്സ് ഇഞ്ചിപ്പാറ ചെക്ക് പോസ്റ്റിന് സമീപം വച്ചാണ് അപകടത്തിൽപ്പെട്ടത്. നിയന്ത്രണം നഷ്ടപ്പെട്ട ബസ് മുൻഭാഗം മണ്ണിൽ കുത്തി ചെരിഞ്ഞ് നിൽക്കുകയായിരുന്നു. മറിയാതിരുന്നത് മൂലം വൻ ദുരന്തം ഒഴിവാകുകയായിരുന്നു. യാത്രക്കാർ കുറവായിരുന്നു, ആർക്കും കാര്യമായ പരിക്കുകളില്ല. ഊന്നുകൽ പോലീസ് സ്ഥലത്തെത്തി മേൽനടപടികൾ സ്വീകരിച്ചു.

കോതമംഗലം: – നേര്യമംഗലത്തിന് സമീപം വില്ലാഞ്ചിറയിൽ ഇന്ന് വൈകിട്ട് ബസും സ്കൂട്ടറും കൂട്ടിയിടിച്ച് യുവതി മരിച്ചു. തോപ്രാംകുടി സ്വദേശിനി കിഴക്കേ ഭാഗത്ത് ലാലി മാത്യു (48) വാണ് മരിച്ചത്. ഭർത്താവ് മാത്യുവിനൊപ്പം സ്കൂട്ടറിൽ കോതമംഗലം ഭാഗത്തേക്ക് വരുമ്പോൾ എതിരെ വന്ന സ്വകാര്യ ബസിലിടിച്ചാണ് അപകടം സംഭവിച്ചതെന്ന് ഊന്നുകൽ പോലീസ് അറിയിച്ചു. മുമ്പും ഈ ഭാഗത്ത് വാഹനാപകടങ്ങൾ ഉണ്ടായിട്ടുണ്ട്. മൃതദേഹേം കോതമംഗലത്ത് സ്വകാര്യ ആശുപത്രിയിൽ സൂക്ഷിച്ചിട്ടുണ്ട്.

🌀കോതമംഗലം വാർത്ത whatsappil ലഭിക്കുവാൻ താഴെ കൊടുത്തിരിക്കുന്ന ലിങ്ക് ഉപയോഗിക്കുക..👇

https://chat.whatsapp.com/DcL8RgJp47d7R9L2iom1zx