കോതമംഗലം : പൈങ്ങോട്ടൂർ ശ്രീനാരായണഗുരു കോളേജ് ഓഫ് ആർട്സ് &സയൻസ് സ്ത്രീസമത്വ ദിനാചരണവും വിമൻസ് സെൽ ഉദ്ഘാടനവും നടത്തി. കോളേജ് പ്രിൻസിപ്പൽ ഡോ.വിജി.കെ രാമകൃഷ്ണൻ അധ്യക്ഷത വഹിച്ച ചടങ്ങിൽ എം.ജി യൂണിവേഴ്സിറ്റി സിൻഡിക്കേറ്റ് മെമ്പർ ഡോ.ബി.കേരളവർമ വിമൻസ് സെൽ പ്രവർത്തനങ്ങളുടെ ഉദ്ഘാടനം നിർവഹിച്ചു. തുടർന്ന് ‘സാമൂഹ്യ പരിവർത്തനം ലിംഗ സമത്വത്തിലൂടെ’ എന്ന വിഷയത്തെ ആസ്‌പദമാക്കി മഹാരാജാസ് കോളേജ് മലയാളം വിഭാഗം മേധാവി ഡോ.സുമി ജോയ് ഓലിപുറം സംസാരിച്ചു.
ചടങ്ങിൽ കോളേജ്മാനേജർ ശ്രീ. അജിനാരായണൻ, സോഷ്യൽ വർക്ക്‌ ഡിപ്പാർട്മെന്റ് HOD നിതീഷ് കെ .വി,കോളേജ് P.R.O എം.ബി തിലകൻ , സ്റ്റുഡന്റ് റപ്രസെന്റെറ്റീവ് സാമുവൽ കുര്യൻ , ബേസിൽഷാ റഫീഖ് എന്നിവർ ആശംസകൾ അറിയിച്ചു. വിമൻസ് സെൽ കോർഡിനേറ്റർമാരായ ശ്രീമതി രമ്യ സ്വാഗതവും മിസ്സ്‌.ദിവ്യ ബൈജു കൃതജ്ഞതയും അറിയിച്ചചടങ്ങിൽ വിദ്യാർത്ഥികളുടെവിവിധകലാപരിപാടികളും ഉണ്ടായിരുന്നു.
