കോതമംഗലം : വീട്ടമ്മയെ ആക്രമിക്കുന്നത് തടയാൻ ചെന്ന ഭർത്താവിനെ കൊലപ്പെടുത്താൻ ശ്രമിച്ച കേസിൽ രണ്ട് പേർ അറസ്റ്റിൽ . നെല്ലിക്കുഴി മുണ്ടയ്ക്കപ്പടി തച്ചു കുടിവീട്ടിൽ മന്മഥൻ (50), തച്ചുകുടിവീട്ടിൽ അഖിൽ (22) എന്നിവരെയാണ് കോതമംഗലം പോലീസ് അറസ്റ്റ് ചെയ്തത്. മന്മഥൻ വീട്ടമ്മയെയും കുടുംബത്തേയും നിരന്തരം ശല്യപ്പെടുത്തിയിരുന്നു. ഇത് ചോദ്യം ചെയ്തതിനെ തുടർന്നാണ് അയൽവാസികളായ പ്രതികൾ കൊലപ്പെടുത്താൻ ശ്രമിച്ചത്. ഗുരുതരമായി മർദ്ദനമേറ്റ വീട്ടമ്മയും ഭർത്താവും കളമശേരി മെഡിക്കൽ കോളേജിൽ ചികിത്സയിലാണ്.
ഇൻസ്പെക്ടർ പി.ടി ബിജോയി, എസ്.ഐമാരായ ആൽബിൻ സണ്ണി, ഷാജി കുര്യാക്കോസ്, എ.എസ് ഐ ദേവസി, എസ്.സി.പി.ഒ സുനിൽ മാത്യു തുടങ്ങിയവരാണ് അന്വേഷണ സംഘത്തിലുള്ളത്. കോടതിയിൽ ഹാജരാക്കി റിമാൻഡ് ചെയ്തു.
🌀കോതമംഗലം വാർത്ത whatsappil ലഭിക്കുവാൻ താഴെ കൊടുത്തിരിക്കുന്ന ലിങ്ക് ഉപയോഗിക്കുക..👇
