മുവാറ്റുപുഴ : പോലീസ് ഉദ്യോഗസ്ഥരെ അക്രമിച്ച പ്രതി അറസ്റ്റിൽ. പോലീസ് ഉദ്യോഗസ്ഥരുടെ ജോലി തടസ്സപെടുത്തുകയും പോലീസ് വാഹനത്തിന്റെ ചില്ല് തകർക്കുകയും ചെയ്ത കേസിലെ പ്രതി അറസ്റ്റിൽ. മുവാറ്റുപുഴ, തൃക്കളത്തൂർ തേരാപ്പാറ ജംഗ്ഷൻ ഭാഗത്തു മാടകയിൽ വീട്ടിൽ ബിജി (52)യെയാണ് മൂവാറ്റുപുഴ പോലീസ് അറസ്റ്റ് ചെയ്തത്. തൃക്കളത്തൂർ പള്ളിതാഴത്തെ വീട്ടിൽ ഭാര്യയെയും മകനെയും അക്രമിക്കുനതായി വീട്ടുകാർ പോലീസ് കൺട്രോൾ റൂമിൽ അറിയിച്ചപ്രകാരം സ്ഥലത്ത് എത്തിയ പോലീസ് പാർട്ടിയെ വീട്ടിലെ നായയെ അഴിച്ചുവിട്ട് കടിപ്പിക്കാൻ ശ്രമിക്കുകയും കൈയേറ്റം ചെയ്യുകയുമുണ്ടായി.
അസഭ്യം പറഞ്ഞ്, പോലീസ് വാഹനത്തിന്റെ ചില്ല് തകർക്കുകയും ചെയ്തു. സ്ഥലത്ത് ഭീകരാന്തരീക്ഷം സൃഷ്ടിച്ച പ്രതിയെ മുവാറ്റുപുഴ ഇൻസ്പെക്ടർ സി.ജെ. മാർട്ടിൻ , എസ്.ഐ എം സൈദ്, എഎസ്ഐ പി.എസ്.ജോജി , സീനിയർ സിപിഒ സുരേഷ് ചന്ദ്രൻ എന്നിവർ അടങ്ങിയ സംഘമാണ് അറസ്റ്റ് ചെയ്തത് .
