കോതമംഗലം: വേട്ടാംപാറ പടിപ്പാറയിൽ ഹരിത മാർക്കറ്റിംഗ് സൊസൈറ്റിയുടെ നേതൃത്വത്തിൽ സംരംഭകത്വ ബോധവൽക്കരണ സെമിനാർ സംഘടിപ്പിച്ചു. ബ്ലോക്ക് പഞ്ചായത്ത് പ്രസിഡന്റ് ജെസ്സി സാജു ഉദ്ഘാടനം ചെയ്തു. വാർഡ്മെമ്പർ പ്രിൻസ് ജോൺ അധ്യക്ഷത വഹിച്ചു. ‘നൂതന സംരംഭങ്ങളും സർക്കാർ പദ്ധതികളും’എന്ന വിഷയത്തിൽ കോതമംഗലം താലൂക്ക് വ്യവസായ വകുപ്പ് ഓഫീസർ ജിയോ ജോസ് ക്ലാസ് നയിച്ചു.
കുടുംബങ്ങളുടെ വരുമാനം ഉയർത്തുകയും, സാമ്പത്തിക സുരക്ഷ ഉറപ്പുവരുത്തുകയും, കർഷക കൂട്ടായ്മയിൽ അംഗങ്ങളായവരിൽ നിക്ഷേപ ശീലവും ധനകാര്യ നിയന്ത്രണ ബോധവും വളർത്തുകയും, ചെറുതും വലുതുമായ സംരംഭങ്ങൾ പരിചയപ്പെടുത്തുക,സാങ്കേതിക സഹായം മാർക്കറ്റിംഗ് സൗകര്യം എന്നിവ ലഭ്യമാക്കുക തുടങ്ങി വിവിധ ലക്ഷ്യങ്ങളോടെയാണ് സെമിനാർ സംഘടിപിച്ചത്.
എം.എസ് സ്വാമിനാഥൻ കോട്ടപ്പടി പഞ്ചായത്ത് കോ- ഓർഡിനേറ്റർ ജോസഫ് ആന്റണി എച്ച്എഫ്ഡിഎസ് പ്രസിഡന്റ് എം.എം ജോസഫ്, ഗ്രീൻ വിഷൻ കേരള സെക്രട്ടറി ജോൺസൺ കറുകപ്പിള്ളിൽ, ആർപിഎസ് പ്രസിഡന്റ് ജോസ് കുര്യൻ, എം.എസ് സ്വാമിനാഥൻ ഫൗണ്ടേഷൻ കോഡിനേറ്റർ അമ്പാടി മുരുകൻ, ഹരിത മാർക്കറ്റിംഗ് സൊസൈറ്റി പ്രസിഡന്റ് ജോയ് പടയാട്ടിൽ, സിഡിഎസ് ചെയർപേഴ്സൺ അമ്പിളി സജീവ് സ്വയംസഹായ സംഘം ഭാരവാഹികളായ കെ.എ ടോമി, സി.എ നൗഷാദ്, സജീവ് വി.കെ , ടി.വൈ യോഹന്നാൻ,അമലു ജോർജ് എന്നിവർ പ്രസംഗിച്ചു. 140 അംഗങ്ങൾ സെമിനാറിൽ പങ്കെടുത്തു.
