കോതമംഗലം : അടിവാട് ഉണ്ടായ ബൈക്കപകടത്തില്‍ ഗുരുതര പരുക്കേറ്റ മേഖ സുനിൽ (18) മരിച്ചു. പിതാവ് ഗുരുതരാവസ്ഥയിൽ. ഇന്നലെ ഞായര്‍ പകല്‍ മൂന്നോടെ അടിവാട് തെക്കേക്കവലയിലാണ് അപകടം നടന്നത്. മാവുടി കുറുപ്പുംകണ്ടത്ത് വാടകയ്ക്ക് താമസിക്കുന്ന കാഞ്ഞിരംതടത്തില്‍ വീട്ടില്‍ സുനില്‍ ഓടിച്ച ബൈക്കാണ് നിയന്ത്രണം വിട്ട് സമീപത്തെ കാനയിലേക്ക് വീഴുകയും പരിക്കേൽക്കുകയും ചെയ്തു. മക്കളായ മേഘ സുനില്‍, സ്‌നേഹ സുനില്‍ എന്നിവരും ബൈക്കിലുണ്ടായിരുന്നു. ഗുരുതരമായി പരുക്കേറ്റ ഇവരെ രാജഗിരി ആശുപത്രിയില്‍ പ്രവേശിപ്പിക്കുകയായിരുന്നു. സ്‌നേഹയുടെ പരിക്ക് ഗുരുതരമല്ല. പോത്താനിക്കാട് ബാര്‍ബര്‍ ഷോപ്പ് നടത്തുകയാണ് സുനില്‍. വിദേശത്തായിരുന്ന സുനിലിന്റെ ഭാര്യ ഷൈജ നാട്ടിലെത്തിയിട്ടുണ്ട്.

കോതമംഗലം : കൊച്ചി- ധനുഷ്കോടി ദേശിയ പാതയിൽ നേര്യമംഗലം, ചീയപ്പാറക്ക് സമീപം ചാക്കോച്ചി വളവിൽ കെ എസ് ആർ ടി സി ബസ് അപകടത്തിൽ പെട്ടു. പോലീസ്, ഫയർ ഫോഴ്സ് സ്ഥലത്തെത്തികൊണ്ടിരിക്കുന്നു. രക്ഷാപ്രവർത്തനം തുടരുകയാണ്. തിങ്കൾ രാവിലെ മൂന്നാറിൽ നിന്ന് എറണാകുളത്തേക്ക് പോയ കെഎസ്ആർടിസി ബസ് 6:45ലോടുകൂടിയാണ് ആണ് കൊക്കയിലേക്ക് മറിഞ്ഞു അപകടത്തിൽ പെട്ടത്. മരത്തിൽ തങ്ങി നിന്നതിനാൽ വൻ അപകടം ഒഴിവായി. സൈഡ് കൊടുക്കുന്നതിനിടയിൽ തിട്ട ഇടിഞ്ഞതാണ് അപകടകാരണമെന്ന് അനുമാനിക്കുന്നു. ബസിൽ അറുപതോളം യാത്രക്കാർ ഉണ്ടായിരുന്നു. പരുക്കേറ്റവരെ നേരിയമംഗലം , കോതമംഗലം തുടങ്ങിയ സ്ഥലങ്ങളിലെ ആശുപത്രികളിൽ പ്രവേശിപ്പിച്ചു. അടിമാലി കുളമാങ്കുഴ സ്വദേശി സജീവ് മരണപ്പെട്ടു. കൂടുതൽ വിവരങ്ങൾ ലഭ്യമായിട്ടില്ല.

കവളങ്ങാട്  : നെല്ലിമറ്റം കോളനിപടിയിൽ വാഹനങ്ങൾ തമ്മിൽ കൂട്ടിയിടിച്ച് കൊച്ചി – ധനുഷ്ക്കോടി ദേശീയ പാതയിൽ അര മണിക്കൂറോളം ഗതാഗത തടസ്സം നേരിട്ടു. ഇന്ന് രാവിലെ പതിനൊന്ന്മണിയോടെയാണ് അപകടം നടന്നത്. മൂന്നാറിൽ നിന്ന് ആലപ്പുഴയ്ക്ക് പോകുകയായിരുന്ന ടാക്സി കാറും കോട്ടയം സ്വദേശി ഓടിച്ചിരുന്ന മൂന്നാർ ഭാഗത്തേക്ക് പോകുകയായിരുന്ന ബൊലോറോ ജീപ്പും തമ്മിൽ കൂട്ടിയിട്ടിച്ചത്. കാറിലുണ്ടായിരുന്ന യാത്രക്കാർ അത്ഭുതകരമായി രക്ഷപെട്ടു. അര മണിക്കൂറോളം ദേശീയ പായിൽ ഗതാഗത തടസ്സം നേരിട്ടിരുന്നു. ഊന്നുകൽ പോലീസ് നാട്ടുകാരുടെ സഹായത്തോടെ ഇടിച്ച വാഹനങ്ങൾ തള്ളിനീക്കി ഗതാഗതം പുനസ്ഥാപിച്ചു.

ഫോട്ടോ: കൊച്ചി – ധനുഷ്കോടി ദേശീയ പാതയിൽ നെല്ലിമറ്റം കോളനിപ്പടിയിൽ കാറും – ബൊലോറോ ജീപ്പും തമ്മിൽ കൂട്ടിയിടിച്ചുണ്ടായ ഗതാഗത തടസ്സം നീക്കാൻ ഊന്നുകൽ പോലീസ് നാട്ടുകാരുടെ സഹായത്തോ ഇടിച്ച കാർ തള്ളിനീക്കുന്നു