Connect with us

Hi, what are you looking for?

NEWS

എം. എ.കോളേജിൽ ദ്വിദിന ദേശീയ ശിൽപശാല നടന്നു 

 

കോതമംഗലം : മാർ അത്തനേഷ്യസ് കോളേജിലെ സസ്യ ശാസ്ത്രവിഭാഗം,സംസ്ഥാന പരിസ്ഥിതി കാലാവസ്ഥ വ്യതിയാന വകുപ്പിന്റെ സഹകരണത്തോടെ ആവാസവ്യവസ്ഥകളുടെ ആരോഗ്യം വിലയിരുത്തുന്നതിൽ ശുദ്ധജല ആൽഗെകളുടെ പങ്ക് എന്ന വിഷയത്തിൽ ദ്വിദിന ദേശീയ ശിൽപശാല സംഘടിപ്പിച്ചു.ശില്പശാല പ്രശസ്ത പരിസ്ഥിതി ശാസ്ത്രഞ്ജൻ ഡോ .ജൂഡ് ഇമ്മാനുവൽ ഉദ്ഘാടനം ചെയ്‌തു. കാലാവസ്ഥ വ്യതിയാനം സമുദ്രങ്ങളെയും നദികളെയും തടാകങ്ങളെയും എങ്ങനെ ബാധിക്കുന്നു എന്ന വിഷയത്തെകുറിച്ചു അദ്ദേഹം സംസാരിച്ചു. ഈ മാറ്റങ്ങളെ നേരിടാനും വെള്ളത്തിനടിയിലുള്ള ജീവജാലങ്ങളെ സംരക്ഷിക്കാനുമുളള വഴി കൾ കണ്ടെത്തേണ്ടതിന്റെ ആവശ്യകതയെ കുറിച്ചും ശില്പശാലയിൽ അദ്ദേഹം വിശദമായി പറഞ്ഞു . കാലാവസ്ഥ വ്യതിയാനം കുറയ്ക്കാൻ നടപടി സ്വീകരിച്ച് ജലജീവികളെയും സസ്യങ്ങളെയും സംരക്ഷിക്കാൻ എല്ലാവരും ഒരുമിച്ച് പ്രവർത്തിക്കണമെന്ന് അദ്ദേഹം അഭ്യർത്ഥിച്ചു.

മാർ അത്തനേഷ്യസ് കോളേജ് വൈസ് പ്രിൻസിപ്പൽ ഡോ. എബി. പി. വർഗീസ് അധ്യക്ഷത വഹിച്ച ചടങ്ങിൽ, തേവര സേക്രഡ് ഹാർട്ട് കോളേജ് പ്രിൻസിപ്പൽ ഡോ. ജോസ് ജോൺ പ്രഭാഷണം നടത്തി.

മദ്രാസ് ക്രിസ്ത്യൻ കോളേജിലെ അസിസ്റ്റൻ്റ് പ്രൊഫസർ ഡോ. ബി. ബാബു, മാല്യങ്കര എസ്.എൻ.എം. കോളേജ് അസിസ്റ്റൻ്റ് പ്രൊഫസറും, സസ്യ ശാസ്ത്ര വിഭാഗം മേധാവിയുമായ ഡോ. സനിൽകുമാർ, മാള കാർമൽ കോളേജിലെ അസിസ്റ്റൻ്റ് പ്രൊഫസർ ജിയോ ജോസഫ് എന്നിവർ ആൽഗകളെ സംബന്ധിച്ച അസംഖ്യം വിഷയങ്ങൾ രണ്ട് ദിവസങ്ങളിലായി അവതരിപ്പിച്ചു. ശിൽപശാലയുടെ സമാപന സമ്മേളനത്തിൽ കോളേജ് പ്രിൻസിപ്പൽ ഡോ.മഞ്ജു കുര്യൻ സർട്ടിഫിക്കറ്റുകൾ വിതരണം ചെയ്‌തു. വകുപ്പ് മേധാവി ഡോ. അജി അബ്രാഹാം, കോർഡിനേറ്റർ ഡോ.ജയലക്ഷ്‌മി പി.എസ്, ജോയിൻ്റ് കോർഡിനേറ്റർമാരായ മെറിൽ സാറാ കുര്യൻ, ശരത് ജി നായർ ,സ്റ്റുഡന്റ് കോർഡിനേറ്റർമാരായ ഐശ്വര്യ ജി. എസ്., മെഹ്റുന്നിസ നാസ്സർ, ബാദുഷ സുബൈർ എന്നിവർ നേതൃത്വം നൽകി.

 

You May Also Like

NEWS

തടത്തിക്കവല :എൽ ഡി എഫ് സ്ഥാനാർഥി ജോയ്സ് ജോർജിന്റെ കോതമംഗലം, മൂവാറ്റുപുഴ മണ്ഡലങ്ങളിലെ അവസാനഘട്ട പര്യടനത്തിന് തടത്തിക്കവലയിൽ തുടക്കം. പച്ചക്കറി തൈകളും അമ്പും വില്ലും നൽകി ജോയ്സ് ജോർജിനെ പ്രവർത്തകർ സ്വീകരിച്ചു. രാജ്യത്ത്...

NEWS

കോതമംഗലം: പ്രാര്‍ത്ഥനയോടെ വോട്ടവകാശം വിനിയോഗിക്കേണ്ടത് കാലഘട്ടത്തിന്റെ ആവശ്യമെന്ന് കോതമംഗലം ബിഷപ് മാര്‍ ജോര്‍ജ് മഠത്തിക്കണ്ടത്തില്‍. കോതമംഗലം രൂപത പാസ്റ്റല്‍ കൗണ്‍സില്‍ സമ്മേളനം മൂവാറ്റുപുഴ നെസ്റ്റ് പാസ്റ്ററല്‍ സെന്ററില്‍ ഉദ്ഘാടനം ചെയ്യുകയായിരുന്നു അദ്ദേഹം. ആധുനിക...

NEWS

പൈങ്ങോട്ടൂർ: ബസ് ഉടമയെ ആക്രമിച്ച കേസിൽ ഒരാൾ അറസ്റ്റിൽ. കടവൂർ പൈങ്ങോട്ടൂർ കൊമ്പനാൽ വീട്ടിൽ ജോമേഷ് (40) നെയാണ് പോത്താനിക്കാട് പോലീസ് അറസ്റ്റ് ചെയ്തത്. 20 ന് വെകീട്ട് പൈങ്ങോട്ടൂർ ഗാന്ധി സ്ക്വയറിന്...

NEWS

മൂവാറ്റുപുഴ: പാലക്കുഴയില്‍ ബിജെപിയുടെ താല്‍ക്കാലിക തെരഞ്ഞെടുപ്പ് ഓഫീസ് തീയിട്ട് നശിപ്പിച്ച നിലയില്‍. പഞ്ചായത്ത് കമ്മറ്റി നിര്‍മ്മിച്ച ബിജെപിയുടെ താല്‍ക്കാലിക തെരഞ്ഞെടുപ്പ് ഓഫീസാണ് ഇന്നലെ രാത്രിയില്‍ തീയിട്ട് നശിപ്പിച്ചത്. ഇന്നലെ രാത്രിയിലും പ്രവര്‍ത്തകരെത്തി സജീവമായിരുന്ന...