കുട്ടമ്പുഴയിൽ ഒന്നാം ഘട്ട പട്ടയം വിതരണം ആരംഭിച്ചു.

കോതമംഗലം: കുട്ടമ്പുഴ പഞ്ചായത്തിൽ ഒന്നാം ഘട്ട പട്ടയം വിതരണത്തിൻ്റെ ഭാഗമായി 43 കുടുംബങ്ങൾക്ക് പട്ടയങ്ങൾ വിതരണം ചെയ്തു. വില്ലേജ് ഓഫീസിൽ നടന്ന ചടങ്ങിൽ ആൻ്റണി ജോൺ എം എൽ എ പട്ടയങ്ങൾ വിതരണം ചെയ്തു. അവശേഷിക്കുന്ന പട്ടയ നടപടികൾ വേഗത്തിൽ പുരോഗമിക്കുകയാണ്.പഞ്ചായത്ത് പ്രസിഡൻ്റ് സന്ധ്യാ ലാലു അധ്യക്ഷത വഹിച്ചു.

ചടങ്ങിൽ പഞ്ചായത്ത് വൈസ് പ്രസിഡൻ്റ് കെ ജെ ജോസ്,പഞ്ചായത്ത് മെമ്പർമാരായ ജബ്ബാർ പി പി,സി പി അബ്ദുൾകരീം,ബൈജു കെ കെ,തങ്കമ്മ പി കെ,തഹസിൽദാർമാരായ റെയ്ച്ചൽ കെ വർഗീസ്,നാസർ കെ എം,മുൻ പഞ്ചായത്ത് പ്രസിഡൻ്റ് കെ കെ ഗോപി,വി എ എഫ് പി സി ചെയർമാൻ ഇ കെ ശിവൻ,കുട്ടമ്പുഴ സർവ്വീസ് സഹകരണ ബാങ്ക് പ്രസിഡൻ്റ് കെ കെ ശിവൻ,റ്റി സി ജോയി,വി വി ജോണി തുടങ്ങിയവർ പങ്കെടുത്തു.