കുട്ടമ്പുഴ : അപകടാവസ്ഥയിൽ നിന്ന ആഞ്ഞലി മരത്തിന്റെ ശിഖിരം വീണ് പോസ്റ്റുകളും ബൈക്കുകളും തകർന്നു. ഗ്രഹനാഥൻ അത്ഭുതകരമായി രക്ഷപ്പെട്ടു. ചൂണ്ടാട്ട് കരീമിന്റെ വീടിനു പിന്നിൽ നിന്ന ആഞ്ഞലി മരത്തിന്റെ വലിയ കമ്പാണ് ഒടിഞ്ഞു വീണത്. അപകടത്തിനു മിനിറ്റുകൾ മുൻപ് കരീം കൂട്ടുകാരനുമായി സംസാരിച്ചു നിൽക്കുകയായിരുന്നു. ഭാഗ്യം കൊണ്ടുമാത്രമാണ് അപകടത്തിൽ പെടാതിരുന്നത്.
വനം വകുപ്പിന്റെ ഉടമസ്ഥതയിലുള്ള മരം വെട്ടിമാറ്റണമെന്നാവശ്യപ്പെട്ട് പഞ്ചായത്തിനും വനം വകുപ്പിനും സ്ഥലം ഉടമ പരാതി നൽകിയിരുന്നതാണ്. എന്നാൽ അധികാരികളുടെ ഭാഗത്തുനിന്നും നടപടികൾ ഉണ്ടായില്ല. പൊതിയിലാൻ മുജീബ്, നെടുബിള്ളി മീരാൻ എന്നിവരുടെ ബൈക്കുകളാണ് തകർന്നത്. മരം ഉടൻ വെട്ടിമാറ്റാൻ വേണ്ട നടപടികൾ സ്വീകരിക്കണമെന്ന നാട്ടുകാരുടെ ആവശ്യം ശക്തമാകുകയാണ്.
