കോതമംഗലം: കോതമംഗലം മണ്ഡലത്തിലെ പന്തപ്ര ആദിവാസി കോളനിയിലെ കുട്ടികൾക്ക് ഓൺലൈൻ വിദ്യാഭ്യാസ സൗകര്യം ഏർപ്പെടുത്തിയതായി ആന്റണി ജോൺ എം എൽ എ അറിയിച്ചു. കോളനിയിലെ 67 കുടുംബങ്ങളിൽ നിന്നുള്ള വിവിധ ജില്ലകളിലായി വിദ്യാഭ്യാസം നടത്തി വന്നിരുന്ന 40 കുട്ടികൾക്കാണ് പഠന സൗകര്യമൊരുക്കിയത്. ഓൺലൈൻ പഠനത്തിന് ആവശ്യമായ റ്റിവി,ഡിറ്റി എച്ച് കണക്ഷൻ,അനുബന്ധ പഠനസാമഗ്രികളും ലഭ്യമാക്കി.തുടർ നടപടിയായി ആദിവാസി മേഖലകളിൽ പുതുതായി 8 അയൽപക്ക പഠനകേന്ദ്രങ്ങൾ ആരംഭിക്കുന്നതിനു വേണ്ട നടപടിക്രമങ്ങൾ അവസാന ഘട്ടത്തിലാണ്. അതോടൊപ്പം തന്നെ വിവിധ അംഗൻവാടികൾ വഴിയും, ലൈബ്രറികൾ വഴിയും മുഴുവൻ കുട്ടികൾക്കും ഓൺ ലൈൻ വിദ്യാഭ്യാസ സൗകര്യമൊരുക്കുന്നതോടെ മുഴുവൻ കുട്ടികൾക്കും ഓൺലൈൻ പഠന സൗകര്യമൊരുങ്ങുമെന്നും എം എൽ എ പറഞ്ഞു.
എസ് എഫ് ഐ എറണാകുളം ഏരിയ കമ്മിറ്റിയുടേയും, കുസാറ്റ് യൂണിറ്റ് കമ്മിറ്റിയുടേയും,എൻ ജി ഒ യൂണിയൻ കോതമംഗലം താലൂക്ക് കമ്മിറ്റിയുടേയും സഹകരണത്തോടെയാണ് പന്തപ്രകോളനിയിൽ ഓൺലൈൻ വിദ്യാഭ്യാസത്തിന് ആവശ്യമായ സൗകര്യമൊരുക്കിയത്. ചടങ്ങിൽ ബ്ലോക്ക് പഞ്ചായത്ത് പ്രസിഡന്റ് റഷീദ സലിം,റ്റിഡിഒ ജി അനിൽകുമാർ, എസ് എസ് എ ജില്ലാ പ്രോഗ്രാം ഓഫീസർ ജോസ് പെറ്റ് തെരേസ് ജേക്കബ്, ജില്ല പ്രൊജക്ട് കോർഡിനേറ്റർ ഉഷ മാനാട്ട്,ബി ആർ സി കോർഡിനേറ്റർ ജ്യോതിഷ് പി,എസ് എഫ് ഐ,എൻ ജി ഒ യൂണിയൻ ഭാരവാഹികൾ തുടങ്ങിയവർ പങ്കെടുത്തു.
