പോത്തുകളെ കാട്ടാന ആക്രമിച്ചു കൊന്നു

വേട്ടാംപാറ : വനത്തിനോട് ചേർന്നുള്ള കൃഷിയിടങ്ങളിൽ ആനയിറങ്ങി കൃഷി നശിപ്പിക്കുന്നത് പതിവാണ് , ഇപ്രാവശ്യം കാട്ടാന ആക്രമണം നടത്തിയിരിക്കുന്നത് വളർത്തു മൃഗത്തിനെതിരെയാണ്. ഇന്നലെ രാത്രി കുളങ്ങാട്ടുകുഴിയിൽ ചുള്ളിക്കൽ ജോളിയുടെ വളർത്തു മൃഗത്തെ ആന ആക്രമിച്ചു കൊല്ലുകയായിരുന്നു. പറമ്പിൽ കെട്ടിയിട്ടിരുന്ന രണ്ട് പോത്തും കിടാങ്ങൾക്ക് ആനയുടെ ആക്രമണത്തിൽ ജീവൻ നഷ്ടമാകുകയായിരുന്നു. വടക്കുംഭാഗം , വാവേലി മേഖലകളിൽ കാട്ടാന ശല്യം രൂക്ഷമാകുകയാണ്. കൃഷി നശിപ്പിക്കുന്നതിന് പുറമേ വളർത്തുമൃഗങ്ങളെക്കൂടി ആന ആക്രമിക്കുന്നത് നാട്ടുകാരെ പരിഭ്രാന്തരാക്കിയിരിക്കുകയാണ്.