കോതമംഗലം : 35 വയസ്സിന് മുകളിൽ പ്രായമുള്ളവർക്കായി കോഴിക്കോട് വച്ച് നടന്ന കേരള മാസ്റ്റേഴ്സ് കായിക മത്സരത്തിൽ എറണാകുളം ജില്ലയെ പ്രധിനിധീകരിച്ചു പങ്കെടുത്ത തൃക്കാരിയൂർ ദേവസ്വം ബോർഡ്‌ ഹൈസ്കൂൾ അധ്യാപിക ദൃശ്യ ചന്ദ്രൻ 100,200,400 മീറ്റർ ഓട്ടമത്സരത്തിൽ മൂന്ന് ഇനങ്ങളിലും വെങ്കല മെഡൽ നേടികൊണ്ട് 2022 ഫെബ്രുവരി 21 മുതൽ ഹൈദരാബാദിൽ വച്ച് നടക്കുന്ന ദേശിയ മത്സരത്തിൽ കേരളത്തെ പ്രധിനിധീകരിച്ചു പങ്കെടുക്കുന്നതിന് യോഗ്യത നേടി.
സംസ്ഥാന തലത്തിൽ ഓവർഓൾ ചാമ്പ്യൻമാർ ആയതും എറണാകുളം ജില്ല ആണ്. പഠനകാലത്ത് ദൃശ്യ അതലെറ്റിക്സിൽ യൂണിവേഴ്സിറ്റി തലത്തിലും സംസ്ഥാന തലത്തിലും നിരവധി മെഡലുകൾ നേടിയിട്ടുള്ളതുമാണ്. മികച്ച ഒരു പ്രോഗ്രാം അവതാരിക ആയ ദൃശ്യ കിഡ്സ്‌ ഐ എ എസ് അക്കാഡമി കോർഡിനേറ്റർ കൂടിയാണ്.
