കോതമംഗലം : കാലവർഷക്കെടുതിയെ തുടർന്ന് ഒറ്റപ്പെട്ട് പോയ കുട്ടമ്പുഴയിലെ വിവിധ പ്രദേശങ്ങളിൽ ആൻ്റണി ജോൺ എംഎൽഎയുടെ നേതൃത്വത്തിൽ റവന്യൂ സംഘം സന്ദർശനം നടത്തി. കഴിഞ്ഞ കുറെ ദിവസങ്ങളായി പെയ്യുന്ന ശക്തമായ മഴയെ തുടർന്ന് പൂയംകുട്ടി പുഴയിൽ ജലനിരപ്പ് കുത്തനെ ഉയർന്നതിനെ തുടർന്ന് വിവിധ പ്രദേശങ്ങൾ ഒറ്റപ്പെട്ടിരുന്നു. പുഴയിൽ ജല നിരപ്പ് ഉയർന്നതിനെ തുടർന്ന് ദിവസങ്ങളായി ബ്ലാവന കടത്തും, മണികണ്ഠംചാൽ ചപ്പാത്തും വഴിയുള്ള യാത്ര പൂർണ്ണമായും തടസ്സപ്പെട്ടിരിക്കുകയാണ്.
ഇത്തരത്തിൽ ഒറ്റപ്പെട്ട് പോയ വിവിധ പ്രദേശങ്ങൾ സംഘം സന്ദർശനം നടത്തി സ്ഥിതിഗതികൾ വിലയിരുത്തി. ഈ പ്രദേശങ്ങളിൽ അവശ്യ സാധനങ്ങളും,വൈദ്യ സഹായവും ഉറപ്പ് വരുത്തുവാൻ എംഎൽഎ ബന്ധപ്പെട്ട ഉദ്യോഗസ്ഥർക്ക് നിർദ്ദേശം നല്കി.
ദുരന്ത നിവാരണ അതോറിറ്റി ഡെപ്യൂട്ടി കളക്ടർ അമൃത വല്ലിയമ്മാൾ,തഹസിൽദാർ റേയ്ച്ചൽ കെ വർഗ്ഗീസ്,പഞ്ചായത്ത് പ്രസിഡൻ്റ് സന്ധ്യാ ലാലു തുടങ്ങിയവരും എംഎൽഎയോടൊപ്പം ഉണ്ടായിരുന്നു.
