കോതമംഗലം: പട്ടിക വർഗ സുസ്ഥിര വികസന പദ്ധതിയുടെ ഭാഗമായി കുടുംബശ്രീ എറണാകുളം ജില്ലാ മിഷൻ കുട്ടമ്പുഴ സി ഡി എസ് വഴി നടപ്പിലാക്കുന്ന ആട് ഗ്രാമം പദ്ധതിയുടെ ഉദ്ഘാടനം പന്തപ്ര ആദിവാസി കോളനിയിൽ നടന്ന ചടങ്ങിൽ ആന്റണി ജോൺ എം എൽ എ നിർവ്വഹിച്ചു. ആദ്യ ഘട്ടത്തിൽ 3 ആടുകളെ വീതം 14 ഗുണഫോക്തകൾക്കാണ് നൽകിയത്. വികസന കാര്യ സ്റ്റാൻഡിങ്ങ് കമ്മിറ്റി ചെയർമാൻ കെ എ സിബി അധ്യക്ഷത വഹിച്ച ചടങ്ങിൽ ബ്ലോക്ക് പഞ്ചായത്ത് മെമ്പർ കെ കെ ഗോപി മുഖ്യ പ്രഭാഷണം നടത്തി.
വാർഡ് മെമ്പർ ബിനീഷ് നാരായണൻ, പി പി ജോഷി,ബാങ്ക് പ്രസിഡന്റ് കെ കെ ശിവൻ,കുടുംബശ്രീ എറണാകുളം ജില്ലാ മിഷൻ ബ്ലോക്ക് കോ ഓർഡിനേറ്റർ നിഖിൽ തോമസ് എന്നിവർ ചടങ്ങിൽ സംസാരിച്ചു.സി ഡി എസ് ചെയർപേഴ്സൺ ആനന്ദവല്ലി ശ്രീധരൻ സ്വാഗതവും ശോഭന മോഹൻ കൃതജ്ഞതയും പറഞ്ഞു.
