കോതമംഗലം : ഇന്ന് ഉച്ചയോടെ ഉണ്ടായ ശക്തമായ മഴയിലും കാറ്റിലും കോതമംഗലം മണ്ഡലത്തിലെ വിവിധ പ്രദേശങ്ങളിൽ കൃഷികൾക്ക് നാശനഷ്ടമുണ്ടായി. പലയിടത്തും മരങ്ങളും, വൈദ്യുതി ലൈനുകളും കടപുഴകി വീണു. പല മേഖലകളിലും വൈദ്യുതി തടസപ്പെട്ടിരിക്കുകയാണ്.
ശക്തിയായി വീശിയടിച്ച കാറ്റിൽ പൂയംകുട്ടി, കുറ്റിയാം ചാൽ, കൂവപ്പാറ ഭാഗങ്ങളിൽ നിരവധി പേരുടെ റബ്ബർ, വാഴ എന്നിവ കടപുഴകി വീണു. പിണവൂർ കുടി പന്തപ്രയിൽ നിരവധി ഇലക്ടിക് പോസ്റ്റുകളും മരങ്ങളും നിലംപൊത്തി. കോതമംഗലം ഫയർഫോഴ്സ്, കുട്ടമ്പുഴ പോലീസ്, നാട്ടുകാർ എന്നിവരുടെ നേതൃത്വത്തിൽ മരങ്ങൾ മുറിച്ചു നീക്കുന്ന ജോലികൾ തുടങ്ങി.
