കോതമംഗലം:പട്ടണത്തിന്റെ വിവിധ ഭാഗങ്ങളിലും തങ്കളം ഷീ ലോഡ്ജിന് മുന്നിലും കൂടിക്കിടക്കുന്ന മാലിന്യം നീക്കംചെയ്യാത്തതിലും മാലിന്യം കൈകാര്യം ചെയ്യുന്നതിലെ നഗരസഭയുടെ വീഴ്ചയിലും ഡിവൈഎഫ്ഐ പ്രതിഷേധിച്ചു. ഡിവൈഎഫ്ഐ നഗരസഭ കമ്മിറ്റികളുടെ നേതൃത്വത്തില് നഗരസഭ ഓഫീസിലേക്ക് നടത്തിയ പ്രകടനവും പ്രതിഷേധയോഗവും സംസ്ഥാന കമ്മിറ്റി അംഗം കെ പി ജയകുമാര് ഉദ്ഘാടനം ചെയ്തു.
ബ്ലോക്ക് പ്രസിഡന്റ് അരുണ് പി ബോബന് അധ്യക്ഷനായി. ബ്ലോക്ക് സെക്രട്ടറി ജിയോ പയസ്, കെ.എന് ശ്രീജിത്, കൗണ്സിലര്മാരായ സിപിഎസ് ബാലന്, ആദര്ശ് കുര്യാക്കോസ്, മരിയ രാജു, സീത വിജയന്, ഷിബി ബാബു, ഡിവൈഎഫ്ഐ നേതാക്കളായ എല്ദോസ് പോള്, കെ.എന് അമല്, കെ.ജെ ചന്ദ്രപാല്, ജോബിന് ചെറിയാന് എന്നിവര് പ്രസംഗിച്ചു. മുനിസിപ്പല് അധികൃതരുമായി നടത്തിയ ചര്ച്ചയില് അടിയന്തരമായി മാലിന്യങ്ങള് നീക്കംചെയ്യാമെന്ന ഉറപ്പില് സമരം അവസാനിപ്പിച്ചു.
