കോതമംഗലം : കേരള ഗസറ്റഡ് ഓഫീസേഴ്സ് അസോസിയേഷന്റെ ആഭിമുഖ്യത്തിൽ സംസ്ഥാന സമ്മേളനത്തോടനുബന്ധിച്ച് സംസ്ഥാന വനിത സംരംഭക സംഗമം നടത്തി. പി ഡബ്ല്യൂ ഡി റസ്റ്റ് ഹൗസ് ഓഡിറ്റോറിയത്തിൽ നടന്ന വനിത സംരംഭക സംഗമം ആന്റണി ജോൺ എം എൽ എ ഉദ്ഘാടനം ചെയ്തു. സംസ്ഥാന പ്രസിഡന്റ് ഡോക്ടർ എം എ നാസർ അധ്യക്ഷത വഹിച്ച ചടങ്ങിൽ അനുബന്ധ പരിപാടി സംഘാടക സമിതി ചെയർമാൻ ആർ അനിൽകുമാർ,ജില്ലാ പഞ്ചായത്ത് മെമ്പർ റഷീദ സലീം,സി പി ഐ എം ഏരിയ സെക്രട്ടറി കെ എ ജോയി എന്നിവർ പങ്കെടുത്തു.കെ ജി ഒ എ ജനറൽ സെക്രട്ടറി ഡോക്ടർ എസ് ആർ മോഹന ചന്ദ്രൻ സ്വാഗതവും അനുബന്ധ പരിപാടി സംഘാടക സമിതി കൺവീനർ പി എൻ സജി നന്ദിയും പറഞ്ഞു.14 ജില്ലകളിൽ നിന്നുള്ള വനിത സംരംഭകരാണ് സംഗമത്തിൽ പങ്കെടുത്തത്.
