കോതമംഗലം: അർജുൻ ആയങ്കിക്ക് കോതമംഗലത്ത് ഒരു കേസിൽ ജാമ്യം ലഭിച്ചു.കോതമംഗലം എസ്.എച്ച്.ഓയെ സാമൂഹ മാധ്യമം വഴി ഭീഷണിപ്പെടുത്തിയ കേസിലാണ് കോതമംഗലം കോടതി ജാമ്യം അനുവദിച്ചത്.എന്നാൽ ചേലാട് റിസോർട്ടിൽ നിന്ന് പിടികൂടിയ കേസിൽ നേരത്തെ ഇയാളുടെ ജാമ്യം റദ്ദാക്കിയിരുന്നു.
ആദ്യം ഈ കേസിൽ ജാമ്യത്തിലിറങ്ങിയ ശേഷമാണ് കോതമംഗലം എസ്.എച്ച്.ഒയ്ക്കെതിരെ സമുഹമധ്യമത്തിൽ ഭീക്ഷണിയുമായി ഇയാൾ രംഗത്ത് വരുന്നത്.തുടർന്ന് ഈ കേസ് അന്വേഷിച്ച ഊന്നുകൽ എസ്.എച്ച്.ഒക്കെതിരെ ഭീക്ഷണിയുമായി രംഗത്ത് വരികയും ചെയ്തു.തലശ്ശേരിയിൽ റിമാൻഡിൽ കഴിയുന്ന അർജുൻ ആയങ്കിക്കെതിരെ ജില്ലഭരണകൂടം കാപ്പ ചുമത്തുക കൂടി ചെയ്തതോടെ ജയിൽവാസം നീളുന്ന സാഹചര്യമാണ് നിലവിലുള്ളത്.
