കോതമംഗലം: ആലുവ – മൂന്നാർ റോഡില് കോതമംഗലം താലൂക്ക് ആശുപത്രിക്ക് സമീപം ഓട്ടോറിക്ഷയും ബൈക്കും കൂട്ടിയിടിച്ച് ബൈക്ക് യാത്രികനായ യുവാവ് മരിച്ചു. മലയിന്കീഴ് ഗൊവേന്തപ്പടി കുരിശ്ശിങ്കല് തോമസിന്റെ മകന് ആന്റണി (23) ആണ് മരിച്ചത്. ചൊവ്വാഴ്ച രാത്രി 9.30നാണ് അപകടം. ടൗണില് വന്ന് വീട്ടിലേക്ക് മടങ്ങുകയായിരുന്നു.
ഇടിയുടെ ആഘാതത്തില് റോഡില് തെറിച്ചുവീണ ആന്റണിയെ ഉടന് സമീപത്തെ സ്വകാര്യ ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല. സംസ്കാരം നടത്തി.ഇറ്റലിയില് ജോലിചെയ്തിരുന്ന ആന്റണി അവധിക്ക് നാട്ടിൽ വന്നതാണ്. മാതാവ്: രേഖ. സഹോദരന്: അലന്.
