കോതമംഗലം : വാരപ്പെട്ടിയിൽ വീടിന് തീ പിടിച്ചു. ഷോർട്ട് സർക്യൂട്ട് മൂലം ഫ്രിഡ്ജിന് ആദ്യം തീപിടിക്കുകയും , തുടർന്ന് വീടിൻറെ മേൽക്കൂരയിലേക്ക് തീ പടരുകയായിരുന്നു എന്ന് കരുതുന്നു. മുഹമ്മദ്‌ പി.എം പീടികകുടിയിൽ വാരപ്പെട്ടി എന്നയാൾ വാടകക്ക് താമസിക്കുന്ന വീടിനാണ് തീ പിടിച്ചത്. ഫ്രിഡ്ജിന് തീ പിടിക്കുകയും അതിൽ നിന്നും പടർന്നു മുറിയിൽ ഉണ്ടായിരുന്ന കട്ടിൽ, ബെഡ്ഡ്, ഫാൻ, റേഷൻ കാർഡ്, ആധാർ കാർഡ്, പാസ് ബുക്ക്, മുതലായ വിലപ്പെട്ട രേഖകൾ കത്തിപ്പോകുകയും ചെയ്‌തു.
കോതമംഗലം അഗ്നി രക്ഷാ സേന പെട്ടന്ന് എത്തി തീ അണച്ചതിനാൽ വൻ തീ പിടുത്തം ഒഴിവായി. സ്റ്റേഷൻ ഓഫീസർ കരുണാകരൻ പിള്ളയുടെ നേതൃത്വത്തിൽ SFRO – BC. ജോഷി, FRO – KM ഇബ്രാഹിം, OA ആബിദ്, M ശംഭു, വൈശാഖ് RH, FRO(D) CS അനിൽകുമാർ, എന്നിവരാണ് തീ അണച്ചത്. ഇന്ന് 11.35 ന് ആയിരുന്നു സംഭവം. ഇബ്രാഹിം PK പാലക്കാട്ട്, വാരപ്പെട്ടി എന്ന ആളുടെ ഉടമസ്ഥതയിലുള്ളതാണ് ഈ വീട്.
