കോതമംഗലം: മാനസയുടെ മൃതദേഹവുമായി കണ്ണൂരില് എത്തി കോതമംഗലത്തേക്ക് തിരിച്ച് മടങ്ങി വരുകയായിരുന്ന ആംബുലന്സ് അപകടത്തില്പ്പെട്ടു. മാഹിപ്പാലത്തിന് സമീപം പരിമടത്ത് വച്ചാണ് ആംബുലന്സ് അപകടത്തില്പ്പെട്ടത്. ആംബുലന്സിലുണ്ടായിരുന്ന രണ്ട് ഡ്രൈവര്മാര്ക്ക് പരിക്കേറ്റു. ഇരുവരെയും കണ്ണൂര് മിംസ് ആശുപത്രിയില് പ്രവേശിപ്പിച്ചു. തലശ്ശേരി ഭാഗത്തേക്ക് വരികയായിരുന്ന ടാങ്കര് ലോറി ആംബുലന്സില് ഇടിക്കുകയായിരുന്നു.
കോതമംഗലം പുന്നേക്കാട് സ്വദേശി എമില് മാത്യു, വെട്ടാംപാറ സ്വദേശി ബിട്ടു കുര്യന് എന്നിവര്ക്കാണ് പരിക്കേറ്റത്. പുലര്ച്ചെ 2.50-ഓടെയാണ് അപകടമുണ്ടായത്. കണ്ണൂരിലെ എകെജി ആശുപത്രിയിലേക്കാണ് മാനസയുടെ മൃതദേഹം എത്തിച്ചത്.അവിടെ നിന്ന് കണ്ണൂര് നാറാത്തുള്ള വീട്ടിലേക്ക് മൃതദേഹം എത്തിച്ചു. പയ്യാമ്പലം ശ്മശാനത്തില് ആണ് സംസ്കാരം.
