കോതമംഗലം : തമിഴ്നാട്ടിൽ നിന്ന് പന്നികളുമായി വന്ന വാഹനം ആവോലിച്ചാലിൽ കർഷകരും, നാട്ടുകാരും ചേർന്ന് തടഞ്ഞിട്ടു. തമിഴ് നാട്ടിൽ നിന്നും 20 ഓളം പന്നികളുമായി വന്ന വാഹനം പന്നിപ്പനി ആശങ്കയുടെ പശ്ചാത്തലത്തിലാണ് പന്നിഫാം സംഘടന പ്രവർത്തകരുടെയും നാട്ടുകാരുടെയും ഇടപെടലിലൂടെ തടഞ്ഞിട്ടത്. വിവിധ വകുപ്പിൽ നിന്ന് ഉദ്യോഗസ്ഥർ സ്ഥലത്ത് എത്തിയിട്ടുണ്ട്.

പന്നിപ്പനി റിപ്പോർട്ട് ചെയ്യയപ്പട്ട തിനെ തുടർന്ന് അന്യസംസ്ഥാനങ്ങളിൽ നിന്ന് പന്നികളെ കൊണ്ടുവരുന്നത് നിരോധിച്ച സാഹചര്യം നിലനിൽക്കുന്നതു കൊണ്ടാണ് വാഹനം തടഞ്ഞിട്ട് അധികൃതർക്ക് പരാതി നൽകിയതെന്ന് ലൈവ് സ്റ്റോക്ക് ഫാർമേഴ്സ് അസോസിയേഷൻ ജോയിൻ്റ് സെക്രട്ടറി ആൻസൻ പറഞ്ഞു.

കോതമംഗലം : 8.5 കോടി രൂപ മുടക്കി നടപ്പിലാക്കുന്ന കോട്ടപ്പടി കുടിവെള്ള പദ്ധതിയുടെ നിർമ്മാണോദ്ഘാടനം ജലവിഭവ വകുപ്പ് മന്ത്രി റോഷി അഗസ്റ്റിൻ നിർവ്വഹിച്ചു. ആന്റണി ജോൺ എം എൽ എ. അധ്യക്ഷത വഹിച്ചു. വാട്ടർ അതോറിറ്റി MD എസ് വെങ്കിടേശപതി IAS സ്വാഗതം പറഞ്ഞു, വാട്ടർ അതോറിറ്റി ചീഫ് എൻജിനീയർ ടി.എസ്.സുധീർ നന്ദി അറിയിച്ചു. വാട്ടർ അതോറിറ്റി ടെക്നിക്കൽ മെമ്പർ ജി.ശ്രീകുമാർ റിപ്പോർട്ട് അവതരിപ്പിച്ചു.

വാട്ടർ അതോറിറ്റിബോർഡ് മെമ്പർ ഷാജി പാമ്പൂരി,കോട്ടപ്പടി പഞ്ചായത്ത് പ്രസിഡൻറ് മിനി ഗോപി ,ജില്ലാ പഞ്ചായത്ത് മെമ്പർ റഷീദ സലീം ,ബ്ലോക്ക് പഞ്ചായത്ത് മെമ്പർമാരായ അനു വിജയനാഥ് , ആഷാ ജെയിംസ്,കോട്ടപ്പടി ഗ്രാമപഞ്ചായത്ത് വൈസ് പ്രസിഡൻറ് മെറ്റിൻ മാത്യു,വികസന കാര്യ സ്റ്റാൻഡിങ് കമ്മിറ്റി ചെയർപേഴ്സൺ ജിജി സജീവ്, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സാറാമ്മ ജോൺ , ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ സണ്ണി വർഗീസ് , സിപിഐഎം ഏരിയ സെക്രട്ടറി കെ എ ജോയ് ,ടി എം വർഗീസ്, സജീവ് കെ എൻ , ബഷീർ ,ജോർജ് എം, ബാബുപോൾ , തോമസ് ടി ജോസഫ് ,സാജൻ അമ്പാട്ട്, രമേശ് സോമരാജൻ, മൈക്കിൾ ഇ എം , ബേബി പൗലോസ് തുടങ്ങിയവർ സംസാരിച്ചു.

കോതമംഗലം : ജില്ലാ വികസന സമിതി യോഗം ചേർന്നു. പെരിയാർവാലി,മുവാറ്റുപുഴവാലി കനാൽ കടന്നു പോകുന്ന പ്രദേശങ്ങളിൽ രൂക്ഷമായ വരൾച്ചയും കുടിവെള്ള ക്ഷാമവും അനുഭവിക്കുകയാണ്. അതു കൊണ്ട് അടിയന്തിരമായി പെരിയാർവാലി, മുവാറ്റുപുഴവാലി കനാലുകളിൽ അടിയന്തിരമായി വെള്ളം തുറന്നു വിടുന്നതിനു വേണ്ട നടപടി സ്വീകരിക്കണമെന്ന് ആന്റണി ജോൺ എം എൽ എ ആവശ്യപ്പെട്ടു.ശബരിമല പാക്കേജിൽ ഉൾപ്പെടുത്തി ടെണ്ടർ പൂർത്തീ കരിച്ചിട്ടുള്ള ആലുവ – മൂന്നാർ റോഡിന്റെ പുനരുദ്ധാരണ പ്രവർത്തനങ്ങൾ വേഗത്തിൽ പൂർത്തീകരിക്കണമെന്നും, നിർത്തിവച്ച അടിവാട് – പരീക്കണ്ണി കെ എസ് ആർ ടി സി സർവ്വീസ് അടിയന്തിരമായി പുനരാരംഭിക്കണമെന്നും എം എൽ എ ആവശ്യപ്പെട്ടു.

കഴിഞ്ഞ ദിവസം കുട്ടമ്പുഴ സത്രപ്പടിയിൽ തട്ടേക്കാട് – കുട്ടമ്പുഴ റോഡിൽ രാത്രിയിൽ ആന ഇറങ്ങുന്ന വിഷയം യോഗത്തിന്റെ ശ്രദ്ധയിൽപ്പെടുത്തി.ഇവിടെ ഫലപ്രദമായ പ്രതിരോധ മാർഗങ്ങൾ സ്വീകരിക്കണമെന്നും,ആർ ആർ റ്റി ടീമിന്റെ സേവനം ഇവിടെ കൂടുതൽ കാര്യക്ഷമമാക്കണമെന്നും,തങ്കളം – കാക്കനാട് നാലുവരിപ്പാതയുമായി ബന്ധപ്പെട്ട നടപടിക്രമങ്ങൾ വേഗത്തിലാക്കണമെന്നും,നേര്യമംഗലത്തും ഇടമലയാറിലും മണ്ണിടിച്ചിൽ ഭീഷണി നേരിടുന്ന പ്രദേശങ്ങളുമായി ബന്ധപ്പെട്ടു കൊണ്ടുള്ള തുടർ നടപടികൾ വേഗത്തിലാക്കണമെന്നും,പുന്നേക്കാട് റോഡ് വികസനവുമായി ബന്ധപ്പെട്ടു കൊണ്ട് ഡി ഡി സർവ്വേയുടെ ഭാഗത്തു നിന്നുള്ള നടപടികൾ വേഗത്തിലാക്കണമെന്നും,പുന്നേക്കാട് കവലയിൽ എം എൽ എ ഫണ്ട് ഉപയോഗിച്ച് കവല വികസനം നടത്തുന്ന പ്രവർത്തനം വേഗത്തിൽ മുന്നോട്ടു കൊണ്ടുപോകണമെന്നും,കോതമംഗലം താലൂക്ക് ആശുപത്രിയിൽ അനധികൃതമായി അവധിയിലായിട്ടുള്ള ഓർത്തോ ഡോക്ടറുടെ പേരിൽ കർശന നടപടി സ്വീകരിക്കണമെന്നും,എല്ലാ ദിവസവും ഓർത്തോ ഡോക്ടറുടെ സേവനം ഉറപ്പു വരുത്തണമെന്നും, നേര്യമംഗലം കുടുംബരോഗ്യ കേന്ദ്രത്തിൽ ഒരു എൻ എച്ച് എം ഡോക്ടറുടെ സേവനം കൂടി അടിയന്തിരമായി ഉറപ്പുവരുത്തണമെന്നും എം എൽ എ ആവശ്യപ്പെട്ടു.

കോതമംഗലം പ്രദേശത്ത് ലഹരിക്കെതിരെ നടത്തുന്ന എൻഫോഴ്സ്മെന്റ് പ്രവർത്തനങ്ങൾ വളരെ കാര്യക്ഷമമായി തന്നെ എക്സൈസ്,പോലീസ് ഡിപ്പാർട്ട്മെന്റുകൾ നടത്തുന്നുണ്ടെന്നും, ആലുവ റെയിൽവേ സ്റ്റേഷനിൽ ഉൾപ്പെടെ ഇതര സംസ്ഥാന തൊഴിലാളികളുമായി ബന്ധപ്പെട്ട് നിരീക്ഷണവും പരിശോധനയും കുറെ കൂടെ മുന്നോട്ടു കൊണ്ട് പോകണമെന്നും കൂടുതൽ കേസുകൾ റിപ്പോർട്ട് ചെയ്യുന്ന സാഹചര്യത്തിൽ ഉറവിടം ഉൾപ്പെടെ കണ്ടു പിടിക്കുന്ന കാര്യത്തിലും നടപടി ഉണ്ടാകണമെന്നും
എം എൽ എ ആവശ്യപ്പെട്ടു.

വികസന സമിതിയിൽ എം എൽ എ മാർ ഉന്നയിക്കുന്ന വിഷയങ്ങൾക്ക് സമയബന്ധിതമായി പരിഹാരം ഉണ്ടാക്കാൻ ബന്ധപ്പെട്ട വകുപ്പ് മേധാവികൾ പ്രത്യേകം ശ്രദ്ധിക്കണമെന്ന് യോഗത്തിൽ കളക്ടർ നിർദ്ദേശം നൽകി.ജില്ലാ കളക്ടർ ഡോക്ടർ രേണു രാജ് അധ്യക്ഷത വഹിച്ചു.എം എൽ എ മാരായ കെ എൻ ഉണ്ണികൃഷ്ണൻ, ആന്റണി ജോൺ, അനൂപ് ജേക്കബ് എന്നിവരും മറ്റ് ജനപ്രതിനിധികളും വകുപ്പ് മേധാവികളും യോഗത്തിൽ സംബന്ധിച്ചു.