കോതമംഗലം: സമസ്ത മേഖലയിലെ കലാകാരൻമാരെയും കോർത്തിണക്കി കോതമംഗലത്ത് രൂപീകൃതമായിരിക്കുന്ന കലാ കൂട്ടായ്മയുടെ ഓഫീസ് മന്ദിരത്തിൻ്റെ ഉത്ഘാടനം ഡോ. RLV രാമകൃഷ്ണൻ നിർവ്വഹിച്ചു. ഇതിനോടനുബന്ധിച്ച് കോതമംഗലം കോളേജ് ജംഗ്ഷനിൽ ചേർന്ന സാംസ്കാരിക സമ്മേളനം ആൻ്റണി ജോൺ MLA ഉൽഘാടനം ചെയ്തു. കലാ കൂട്ടായ്മ ചെയർമാൻ നജീബ് ബോണിയോ അധ്യക്ഷത വഹിച്ചു. പ്രശസ്ത കവി ജയകുമാർ ചെങ്ങമനാട് മുഖ്യ പ്രഭാഷണം നടത്തി. സിനിമാ താരം പ്രശാന്ത് കാഞ്ഞിരമറ്റം മുഖ്യ അഥിതിയായിരുന്നു. ഓൾ ഇന്ത്യ ഫിലിം പ്രോഡ്യൂസേഴ്സ് അസോസിയേഷൻ വൈസ് പ്രസിഡൻറായ കോതമംഗലം സ്വദേശി സാബു ചെറിയാനെ MLA ആദരിച്ചു.
ബ്ലോക്ക് പ്രസിഡൻ്റ് PAM ബഷീർ , സ്റ്റാൻ്റിഗ് കമ്മിറ്റി ചെയർമാൻ K A നൗഷാദ് ,അജിത് മേലേരി ,നൗഷാദ് മണിമല , സംവിധായകൻ രുദ്രൻ ,ഷാജി നെല്ലിക്കുഴി എന്നിവർ പ്രസംഗിച്ചു. കലാ സാംസ്കാരിക രംഗത്ത് വ്യക്തിമുദ്ര പതിച്ച വിവിധ വ്യക്തിത്വങ്ങളെ യോഗത്തിൽ വച്ച് ആദരിച്ചു.
ബാലു കോതമംഗലം പ്രഭാകരൻ നാട്യ പ്രഭ ,സുകു നങ്ങേലിപ്പടി ,ലതാ വർമ്മ ,സിറാജ് കോതമംഗലം എന്നിവർ നേതൃത്വം നൽകി. സമ്മേളനാനന്തരം ഗനമേളയും അംഗങ്ങളുടെ കലാപരിപാടികളും ഉണ്ടായിരുന്നു.
