കീരംപാറ : തദ്ദേശ സ്വയം ഭരണ തിരഞ്ഞെടുപ്പില്‍ യു.ഡി.എഫ്. ജില്ലയില്‍ വലിയ നേട്ടം കൈവരിക്കുമെന്ന് യു.ഡി.എഫ് ജില്ലാ കണ്‍വീനര്‍ ഷിബു തെക്കുംപുറം പ്രസ്താവിച്ചു.
യു.ഡി.എഫ്. നേര്യമംഗലം ജില്ലാ ഡിവിഷന്‍ സ്ഥാനാര്‍ത്ഥി എബി എബ്രഹാമിന്‍റെ തിരഞ്ഞെടുപ്പ് പര്യടന പരിപാടി കീരംപാറ കവലയില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പഞ്ചായത്തുകളുടെ പദ്ധതി വിഹിതം വെട്ടി കുറച്ച്, പ്രാദേശിക വികസന പ്രവര്‍ത്തനങ്ങള്‍ മരവിപ്പിച്ച്, പഞ്ചായത്ത് രാജ് അട്ടിമറച്ച്, ഭരണം നടത്തുന്ന ഇടത് മുന്നണി സര്‍ക്കാരിനെതിരെ ജനങ്ങള്‍ വിധിയെഴുതുമെന്ന് അദ്ദേഹം പറഞ്ഞു. അഴിമതി നിറഞ്ഞ പിണറായി ഭരണം ജനങ്ങളാകെ വെറുത്തു കഴിഞ്ഞതായും അദ്ദേഹം പറഞ്ഞു.
യു.ഡി.എഫ്. കീരംപാറ മണ്ഡലം കണ്‍വീനര്‍ ഷാജി വേങ്ങശ്ശേരി അദ്ധ്യക്ഷത വഹിച്ചു. യു.ഡി.എഫ്. നേതാക്കളായ ഏ.റ്റി. പൗലോസ്, പി.സി ജോര്‍ജ്ജ്, പീറ്റര്‍ മാത്യൂ, പി.റ്റി. ഷിബി, കെ.ഇ. കാസീം, ബിനോയി സി പുല്ലന്‍, ജോണി അറമ്പന്‍കുടി, എല്‍ദോസ് വര്‍ഗീസ്, അജി എല്‍ദോസ്, ജോജി മുക്കാലിവീട്ടില്‍, ബ്ലോക്ക് സ്ഥാനാര്‍ത്ഥി ജോമി തെക്കേക്കര, വാര്‍ഡ് സ്ഥാനാര്‍ത്ഥികള്‍ എന്നിവര്‍ പ്രസംഗിച്ചു.
