Connect with us

Hi, what are you looking for?

CHUTTUVATTOM

കവളങ്ങാട് ഗ്രാമപഞ്ചായത്ത് ആഫീസ് എൽ.ഡി.എഫ് ഉപരോധിച്ചു

കോതമംഗലം: കവളങ്ങാട് ഗ്രാമപഞ്ചായത്തിലെ യു.ഡി.എഫ് ദുർഭരണത്തിനും വികസന മുരടിപ്പിനും അഴിമതിക്കും കെടുകാര്യസ്ഥതയ്ക്കുമെതിരെ എൽ.ഡി.എഫ് കവളങ്ങാട് പഞ്ചായത്ത് കമ്മറ്റിയുടെ നേതൃത്വത്തിൽ പ്രതിക്ഷേധ പ്രകടനവും പഞ്ചായത്ത് ആഫീസ് ഉപരോധസമരവും നടത്തി. കഴിഞ്ഞ പത്ത് വർഷക്കാലത്തെ യു.ഡി.എഫ് ഭരണം ഗ്രാമ പഞ്ചായത്തിനെ അൻപത് വർഷക്കാലം പിന്നോട്ടടിപ്പിച്ചതായും വികസന പ്രവർത്തനങ്ങൾ അപ്പാടെ മുരടിച്ച കാഴ്ചയാണ് ജനങ്ങൾക്ക് കാണാൻ കഴിഞ്ഞിട്ടുള്ളതെന്നും സർവ്വത്ര മേഖലയിലും അഴിമതിയാണെന്നും സി.പി.എം. ജില്ലാ കമ്മറ്റിയംഗം പി.എൻ.ബാലകൃഷ്ണൻ പറഞ്ഞു.

സംസ്ഥാന സർക്കാർ വിജയകരമായി നടപ്പിലാക്കുന്ന ലൈഫ്മിഷൻ പദ്ധതി ഉൾപ്പെടെയുള്ള ജനോപകാരപ്രദമായ പല പദ്ധതികളും പഞ്ചായത്ത് ഭരണസമിതി നടപ്പിലാക്കുന്നില്ലായെന്നും ഇതിനെതിരെ പഞ്ചായത്തിലെ പൊതു ജനങ്ങൾ ഭരണ സമിതിക്കെതിരെ പ്രതികരിക്കുന്നതിൽ അത്ഭുതപ്പെടേണ്ടെന്നും ഉപരോധസമരം ഉദ്ഘാടനം ചെയ്തു കൊണ്ട് പി.എൻ.ബാലകൃഷ്ണൻ പറഞ്ഞു. രാവിലെ നൂറ് കണക്കിന് പ്രവർത്തകർ അണിനിരന്ന പ്രതിഷേധ പ്രകടനം നെല്ലിമറ്റം ടൗൺ ചുറ്റി പഞ്ചായത്ത് ആഫീസിനു മുന്നിലെത്തിയതോടെ പ്രതിഷേധക്കാരെ ഊന്നുകൽ എസ്.ഐ.നിയാസിന്റെ നേതൃത്വത്തിലുള്ള പോലീസ് തടഞ്ഞു.തുടർന്ന് പഞ്ചായത്ത് ആഫീസിനു മുന്നിൽ ഉപരോധസമരം ആരംഭിച്ചു.

സി.പി.ഐ. മണ്ഡലം എക്സിക്യൂട്ടിവ് അംഗം പി.എം.ശിവൻ അദ്ധ്യക്ഷനായി, സി.പി.എം.കവളങ്ങാട് ഏരിയ സെക്രട്ടറി ഷാജി മുഹമ്മദ് മുഖ്യപ്രസംഗം നടത്തി. ജനതാദൾ (എൽ.ജെ.ഡി ) നിയോജകമണ്ഡലം പ്രസിഡന്റ് മനോജ് ഗോപി ,സി.പി.എം.കവളങ്ങാട് ലോക്കൽ സെക്രട്ടറി ഷിബു പടപറ മ്പത്ത് ,സി.പി.ഐ.നേര്യമംഗലം ലോക്കൽ സെക്രട്ടറി പി.റ്റി ബെന്നി, എന്നിവർ പ്രസംഗിച്ചു.സി.പി.എം നേര്യമംഗലം ലോക്കൽ സെക്രട്ടറി കെ.ഇ.ജോയി സ്വാഗതവും, സി.പി.ഐ.കവളങ്ങാട് ലോക്കൽ സെക്രട്ടറി കെ.എ.നൗഷാദ് നന്ദിയും പറഞ്ഞു.പ്രതിക്ഷേധ പ്രകടനത്തിന് എൽ.ഡി.എഫ് ഗ്രാമപഞ്ചായത്ത് ജനപ്രതിനിധികളായ എം.എസ്.പൗലോസ്, എബി മോൻമാത്യു, അനീഷ് മോഹൻ, സെലിൻ ജോൺ, ലിസി ജോയി, വൽസ ജോൺ, സൗമ്യ സനൽ, റീന എൽദോസ് ,തുടങ്ങിയവർ നേതൃത്വം നൽകി.

Click to comment

You must be logged in to post a comment Login

Leave a Reply

You May Also Like

NEWS

കോതമംഗലം : കവളങ്ങട് പഞ്ചായത്തിലെ ജനവാസ മേഖലയിൽ നിന്ന് കാട്ടാനകളെ തുരത്താൻ വനം വകുപ്പ് ഇന്ന് നടത്തിയ ശ്രമം പരാജയപ്പെട്ടു. ചാരുപാറ ഭാഗത്തു നിന്നും പടക്കം പൊട്ടിച്ചും ബഹളം വച്ചും ആനയെ ഓടിച്ചെങ്കിലും...

NEWS

കോതമംഗലം: പെരുമണ്ണുർ വെട്ടിയാങ്കൽ ഫെബിൻ പോളിന് യു കെയിൽ ഗവേഷണത്തിന് 1.5 കോടി സ്കോളർഷിപ്പ് ലഭിച്ചു. സ്കോട്ലാൻഡിലെ എഡിൻ ബർഗ് നേപ്പിയർ സർവകലാശാലയിൽ ഡയറക്ട് പിഎച്ച്ഡി പഠനത്തിനു നാല് വർഷത്തയ്ക്കാണ് സ്കോളർഷിപ്പ്. ഫ്ളക്സിബിൾ...

NEWS

  കോതമംഗലം:പ്രസിഡൻ്റ് തെരഞ്ഞെടുപ്പ് നടന്ന കോതമംഗലം താലൂക്കിലെ കവളങ്ങാട് ഗ്രാമപഞ്ചായത്തിൽ മൂന്ന് UDF വിമതരുടെ പിന്തുണയോടെ LDF ഭരണം പിടിച്ചു. കോൺഗ്രസ് വിമതൻ സിബി മാത്യു വാണ് പ്രസിഡൻ്റ് ആയി തിരഞ്ഞെടുക്കപെട്ടത്. കോൺഗ്രസിലെ...

CHUTTUVATTOM

കോതമംഗലം: എംബിറ്റ്‌സ് എഞ്ചിനീയറിംഗ് കോളേജിലെ 2019 -23 ബാച്ച് ബിടെക്, 2021-223 ബാച്ച് എംടെക് വിദ്യാർത്ഥികളുടെ ഫെയർവെൽ അലുംനി ഇൻഡക്ഷൻ പ്രോഗ്രാം സംഘടിപ്പിച്ചു. മാർ തോമ ചെറിയ പള്ളി വികാരി റവ. ഫാ....